Di 18ê Adarê de Rektoriya Zanîngeha Stenbolê dîplomaya Şaredarê Bajarê Mezin ê Stenbolê Ekrem Îmamoglû betal kir û piştre desteser kirin. Di 23ê Adarê de Îmamoglû hat girtin û xwepêşandanên xwendekaran dest pê kirin. Di encamê de ji 300î zêdetir xwendekar hatin girtin û piştre jî biryara boykota kirîna tiştan hat girtin.
Serdozgeriya Komarî ya Stenbolê ji bo kesên banga “boykot” kirine lêpirsîn da destpêkirin
Derbarê kesên ku piştgirî dan biryara boykotê de, pêşî ji aliyê wezîran ve, piştre jî ji aliyê RTÛK û dozgeriyê ve gefa lêpirsînan hat xwarin. Gelek hunermend û lîstikvanan jî piştgirî dan biryara boykotê. Ji ber vê yekê ji bo 16 kesan biryara desteserkirinê hat dayîn.
Hate hînbûn ku di nav kesên hatin desteserkirin de lîstikvanê navdar Cem Yîgît Uzumoglu yê ku di rêzefîlma bi navê “Şakir Paşa Ailesi: Mucizeler û Skandallar' de dileyîst jî heye.
Hejmara kesên hatin desteserkirin 11 e.
(Mİ/AY)
