Şewata ku di 20ê Tîrmehê de li deverek daristanî ya navçeya Geyve ya Sakaryayê dest pê kir, ber bi Bilecikê ve belav bû. Şewat duh (23ê Tîrmehê) bi piranî hatibû kontrolkirin. Her weha ji ber bayê dîsa mezin bû.
Gunê Selçik ê navçeya Osmanelîyê ji bo tedbîrê hatibû valakirin. Ekîbên agirkujiyê li derdora gund tedbîr stendine û li herêmê xebatên xwe yên vemirandina şewatê didomîne.
Xelkê herêmê bi tankerên avê yên ku li pişta traktorên wan ve girêdayî ne, piştgiriyê didin tîman.
Eskîşehîr: Di şewata daristanê de 10 karker di nav agir de asê man û mirin
Gund hatibûn valakirin
Li gorî nûçeya Ajansa Anadoluyê, ji ber şewata daristanê rêya sereke ya Sakarya-Bilecikê ya di navbera Mekece-Vezirhanê de bi awayekî demkî ji trafîkê re hatibû girtin. Ew beşa rê dîsa ji nû ve hate vekirin.
Ji ber şewatê navçeya Osmaneliyê di bin dûkelê de man e.
Gundên Kızıloz, Buyukyenice, Kazanci, Borcak, Medetli, Ciciler û Selçik ên navçeya Bilecikê ji ber şewatê hatibûn valakirin.
Wezîrê Navxweyî Yerlikaya: Di 18 rojan de 61 şewatên daristanan çêbûn, 4 kes hatin girtin
Rola mirovan di şewatên daristanan de
Lêkolînên li ser şewatên daristanan li Tirkiyeyê nîşan didin ku çalakiyên mirovan di beşek mezin a van şewatan de roleke girîng dilîzin. Gelek ji şewatan, ku di salên dawî de zêde bûne, ji ber xeletiya mirovan an jî kiryarên bi zanebûn çêdibin.
Li gorî lêkolînan, ji sedî 90 zêdetir şewat ji ber mirovan çêdibin. Ev rêje ji ber faktorên wekî dûvikên cixareyê yên bi bêhemdî hatine avêtin, şewitandina kok û bermahiyên gîhayan û çirûskên ji xetên elektrîkê çêdibe derdikeve holê. Her weha wêrankirina daristanan a bi zanebûn û şewatên ji bo avakirinê vê rewşê girantir dikin.
Li gorî rapora sala 2023an a Komeleya Daristanvanên Tirkiyeyê (TOD), sedemên sereke yên şewatên ji ber mirovan çêdibin û ev jî çalakiyên wekî şewatên li seyrangehan, paqijkirina zeviyan û avakirina bêdestûr in. Di raporê de, TOD destnîşan dike ku piraniya şewatan ji ber xeletiyên mirovan çêdibin û belavbûna şewatan a bi awayekî lez jî ji ber krîza avhewayê zêde dibe.
