Şaredariya Stenbolê ji bo perwerdeya zimanê kurdî wê serlêdana dersdaran qebûl bike

* Fotograf: İBB - AA

Ji bo nûçeya tirkî / ingilîzî bitikîne

Şaredariya Bajarê Mezin a Stenbolê aşkere kiriye ku wê 420 xebatkarên bi peyman bigirin karî.

Di ragihandina Şaredariyê de hatiye diyarkirin ku wê serlêdana du dersdaran a ji bo perwerdeya zimanê kurdî qebûl bikin. Li gorî şertên ku Şaredariyê diyar kiriye, kesên dixwazin serî li karî bidin divê beşa Ziman û Wêjeya Kurdî qedandibin.

Her weha Şaredariyê dest nîşan kiriye ku kesên dest bi karî bikin, li gorî pêdiviyê wê li navçeyên Stenbolê bên wezîfedarkirin.

Serlêdan di navbera 13 û 17ê mehê de ye

Serlêdan wê di navbera 13 û 17ê Kanûna Pêşiyê de dest pê bikin. Piştî nirxandina serlêdanan wê di navbera 20 û 26ê Kanûna Pêşiyê de bikevin ezmûneke devkî.

Temenê kesên ku dixwazin serî lê bidin divê ji 30î ne zêdetir be.

Kiliçdaroglûyî aşkere kiribû

Kemal Kiliçdaroglû, Serokê Giştî yê Partiya Gel a Komarî (CHP) di meha tebaxê de bi kesên beşa Ziman û Wêjeya Kurdî qedandine re civiyabû.

Kiliçdaroglûyî li vir gotibû ku ew ê li İSMEKan dest bi perwerdeya kurdî bikin. Her weha diyar kiribû ku ew ê xizmetê bi zimanê kurdî bidin kal û pîran, ên ji bilî kurdî bi zimanekî din nizanin. (TP/FD)

Ji bo zanyariyên zêdetir bitikîne