Koma Şaneşîn Performans dê bi lîstika xwe ya nû, ya bi navê Sera Pîra li pêşberî temaşevanên xwe be.
Lîstik ji Alfonso Paso hatîye wergêran û adaptekirin ku wergêra wê ji alîyê Ümit Aktaş ve hatîye kirin.
Dema lîstikê saetek e. (60 dk)
Di lîstika nû da, di Sera Pîra da, pênc lîstikvan cih digirin: Leyla Denli, Şükran Algül, Turan İlhan, Volkan Kaçira, Wedat Ermiş.
Wan heta niha heft lîstik derxistine. (Bêcir, Pençeşêr, Înfaz, Sengê û Pengê, Şêxê senanian, Mişk û Mirov, Sera Pîra).
“Înfaz Komediya reş, Şengê û Pengê lîstika zarokan, Şêxê senanian çîrokbêjî stend up, Mişk û Mirov dram, Sera Pîra Komedî”
Derbarê lîstikê de
Li nexweşxaneyê, jinek û mêrek li hêvîya dora xwe ya muayeneyê ne, dema ku li beda dora xwe ya muayeneyê ne piştî sohbet û nêzîkatîya wan dilê wan dikeve hev. Bi vî awayî bûyer li se bûyerê tê heta roja daweta her duyan. Qîza jinikê û lawê mêrikî ewil li dijî zewaca her duyan derdikevin lê paşî, piştî demekî êdî tiştek ji destê wan jî nayê û nikarin xwe li hemberî wan û zewacan wan bigirin.
Ji lîstika Alfonso Paso werger : Ümit Aktaş
Derhêner: Ümit Aktaş
Alîkarê Derhêner: Şêrko Janzêm
Dramaturjî: Recep İçen
Teknîk: Bekir Arslanhan
Lîstikvan: Leyla Denli, Şükran Algül, Turan İlhan, Volkan Kaçira, Wedat Ermiş.
Şaneşîn Performans 9ê Sibata sala 2022an, li Mêrdînê ji alîyê çend mamosteyên zimanê kurdî û dildarên hunera kurdî ve hatîye avakirin. Ew derketine turneyan û wan li gelek bajaran lîstikên xwe pêşkêş kirine.
Çavkanî: Botantimes
