Şandeya Partiya Wekhevî û Demokrasiyê ya Gelan (DEM Partî), piştî hevdîtina bi Rêberê PKKê Abdullah Ocalan ê li Girtîgeha Îmraliyê re, daxuyanî da.
Şandeya Îmraliyê ji Alîkara Serokê Meclîsê Pervîn Buldan, Parlamenterê Mêrdînê Mîthat Sancar û ji parêzerê Buroya Hiqûqê ya Sedsalê Ozgur Erol pêk tê.
Daxuyaniya nivîskî ya Şandeya Îmraliyê bi vî rengî ye:
“Ji çapemeniyê û raya giştî re,
Wekî Şandeya Îmraliyê ya DEM Partiyê, me di 25'ê Tîrmeha 2025'an de li Girtîgeha Îmraliyê bi birêz Abdullah Ocalan re hevdştineke sê saet û nîvan pêk anî.
Me têkildarî hevdştinên ku çend roj berê bi birêz Serokkomar, birêz Wezîrê Dadê û serokên partiyên siyasî re kirin, danûstendin kir.
Têkildarî merasîma îmhakirina çekan a di 11'ê Tîrmehê de hat lidarxistin, çavdêrî û bandorên merasîmê agahî hatin ragihandin. Birêz Ocalan jî, diyar kir ku awayê merasîmê, vîna hatiye nîşandan, bîr, bawerî û biryardariya hatiye nîşandan pir hêja ye.
Destnîşan kir ku ew li bendê ye ku xebata komîsyonê ya li meclisê berfireh be û bi rêbazeke berfirehker tevkariyeke girîng li aştî û demokrasiyê bike.
Silavên xwe ji gel û tevahiya derdorên civakî re şand.
Silav û rêz.
Şandeya Îmraliyê ya DEM Partiyê
26'ê Tîrmeha 2025'an."
(Mİ/AY)
