Hatibû plankirin ku Sabahat Akkirazê wê di 6ê Tîrmehê de li Londonê konserek bida. Akkîrazê li ser medyaya civakî ragihandiye ku konsera wê ji aliyê komîteya festîvalê ve hatiye betalkirin.
Hat ragihandin ku Sabahat Akkiraz û Niyazi Koyuncu wê di çalakiyên çarçoveya 36emîn Festîvala Day-Merê de derkevin ser dikê.
Di nav kesên ku dê beşdarî festîvalê bibin de Sevda Karaca (Parlamentera EMEPê), Andrew Murray, Paula Peters, Caroline Woodley, Daniel Kerde, Ben Jamal û Aslı Gul (Berdevka DAY-MER) hene.
"Talat Paşa leheng e"
Akkiraz di parvekirina xwe ya li ser medya civakî de ji bo sedema biryara betalkirinê tiştek negotiye. Lê di şîroveyên li ser medyaya civakî de sedema betalkirinê, parvekirina Akkirazê a di 20ê Hezîranê de hatiye nişandan. Akkîrazê di wê parvekirina xwe ya 20ê Hezîranê de gotibû "Talat Paşa leheng e".
Akkirazê pêştir jî di hevpeyvînekê bi Kubra Par a Haberturkê re îdia kiribû ku Elewî ji aliyê çepgiran ve 'bi kar tînin'.
(Mİ/AY)
