RTUKê malperên Deutsche Welle û Dengê Amerîkayê asteng kiriye
RTUKê li Tirkiyeyê malperên DW Turkçe û Amerikanin Sesiyê asteng kiriye.
![RTUKê malperên Deutsche Welle û Dengê Amerîkayê asteng kiriye](https://static.bianet.org/system/uploads/1/articles/spot_image/000/263/982/original/voa.jpg)
Desteya Bilind a Radyo û Televîzyonan (RTUK) duh êvarê malperên nûçeyan ên Amerikanin Sesi (Dengê Amerîka) û Deutsche Welle (DW) li Tirkiyeyê asteng kiriye. Her du malper bi biryara 1emîn Dadgeriya Cezê û Aştiyê ya Enqereyê hatine astengkirin.
RTUKê di 9ê Sibatê de ragihandibû ku ji bo wergirtina lîsansê wan sê roj dem daye Amerîkanin Sesîyê, DW Turkçe û Ewuronews Turkçeyê û gotibû ger lîsansê wernegirin dê malperên wan asteng bike.
Endamê RTUKê Îlhan Taşçi li ser hesabê xwe yê medyaya civakî astengkirina malperên nûçeyan ên navborî bi van gotinan ragihandiye: "A ji te re azadiya çapemeniya û demokrasiya pêşketî!" (AY)
*Çavkanî: Ajansa Mezopotamyayê