Rojnamegerên ku di çarçoveya lêpirsîna li Artvînê hatiye destpêkirin de hatibûn desteserkirin, sewqî edliyeyê kirin.
Rojnameger Semra Pelek, Ozan Cirik, Eylem Yilmaz û Dicle Başturk di 13ê Hezîranê de di çarçoveya lêpirsîneke li Artvînê de di serdegirtina malên xwe de li Stenbolê hatibûn desteserkirin. Her weha Melisa Efe ku wekî wergêrek ji bo Frankfurter Allgemeine Zeitung dixebite, di heman rojê de hatibû desteserkirin.
Îfadeyên rojnamegeran li Fermandariya Cendirmeyan a Bajêr hatin wergirtin.
Piştre rojnameger sewqî edliyeyê kirin. Pelekê li vir îfadeya xwe da dozger û sûcdariyên derbarê naveroka nûçeyan a ku wê amade kiriye û axavtinên li ser telefonê yên ku wê di çarçoveya çalakiyên xwe yên pîşeyî de kiriye qebûl nekir.
Rojnameger Semra Pelek, Dîcle Başturk û Ozan Cirik hatin desteserkirin
Pelekê got ku kesên ku di qeydên HTSê de hene û ew bi wan re axivîne rojnameger û hevkarên wê ne û diyar kir ku ti têkiliya wê ya rêxistinî bi navên ku weke sedema desteserkirina wê hatine nîşandan, nîne.
Karên îfadeyê yê rojnamegerên din li dozgeriyê didome. Piştî îfadeya li dozgeriyê rojnameger an dê sewqî dadgeha cezê û aştiyê bên kirin an jî ji wir werin berdan.
(HA/AY)
