Ji bo nûçeya tirkî bitikîne
Mafê xwe gihandina tenduristiyê yê nûçegihana Ajansa Mezopotamyayê (MA) Ceylan Şahînlî ya di çarçoveya lêpirsîneke navenda wê Enqereyê de di 25ê Cotmehê de hatiye desteserkirin û di 29ê Cotmehê de hatiye girtin, tê asteng kirin.
Şahînlî, ji ber pirsgirêkên xwe yên tenduristiyê di navbera 2 û 4ê Çiriya Paşiyê de sewqî Nexweşxaneya Kampusa Girtîgeha Sîncanê hate kirin. Şahînlî li vir ji aliyê bijîşkê bi navê S.O. ve rastî mûayaneya bi kelemçe hat. Şahînlî ya tedawiya bi kelemçe qebûl nekir di 14ê Çiriya Paşiyê de têkildarî binpêkirinên mafan ên pê re rûbirû man giliyê bijîşk ê peywîra xwe nebaş kir li Wezareta Dadê û Wezareta Tenduristiyê kir.
“Kelemçe dermankirinê asteng nake”
Miduriyeta Tenduristiyê ya Enqereyê ku li ser navê Wezareta Tenduristiyê bersiv da, mûayeneya bi kelemçe parast. Miduriyeta Tenduristiyê ya Bajêr diyar kir ku mûayeneya bi kelemçe tedawiyê asteng nake û heta ku ji aliyê bijîşk ve neyê xwestin kelemçe nayê vekirin.
Şahînlî ya bertek nîşanî biryarê daye wiha gotiye: “Ez bi xwe jî rastî ‘mûayeneya bi kelemçe’ ku pêkanîneke dijhiqûqî ye û gelek caran min nûçeya wê çêkirî ye hatim. Ez vê pêkanîna ku li dijî Peymana Mafên Mirovan a Ewropayê (PMME) û exlaka tipê ye qebûl nakim. Hem weke mexdûr hem jî weke rojnamevanekê ji bo mûayeneya bi kelemçe were rakirin ez ê têbikoşim. Em ê bi hiqûqî û pêkanînên li dijî exlaka tipe ji raya giştî re ragihînin.”(HA/AY)
