Komeleya Xebatên Medya û Hiqûqê (MLSA) ragihand ku rojnameger Semra Pelek, Ozan Cirik û Dicle Başturk îro sibê li Stenbolê di operasyonekê de li malên xwe hatine desteserkirin.
Her wiha, Melisa Efe jî ku wekî wergêr ji bo Frankfurter Allgemeine Zeitung dixebite, di çarçoveya heman lêpirsînê de hatiye desteserkirin.
Di çarçoveya lêpirsîna ku li Artvînê hatiye dest pê kirin de derbarê Rojnameger Semra Pelekê de biryara lêgerîn û desteserkirinê hatiye dayîn û Pelek di wê çarçoveyê de hatiye desteserkirin. Vê sibê polîsan bi ser mala wê de girtin û bi qasî saetek li malê lêgerîn pêk anîn.
*Semra Pelek
Piştî lêgerînê, Pelek birin Fermandariya Cendirmeyan a Maslakê.
Sedema desteserkirinê hîn nehatiye eşkerekirin. Yekîneya Hiqûqî ya MLSAê ragihand ku ew pêvajoyê dişopîne û wan piştgiriya hiqûqî peyda kiriye.
*Dîcle Başturk
Hat hînbûn ku rojnameger Dicle Başturk jî di çarçoveya heman lêpirsînê de hatiye desteserkirin. Hat ragihandin ku Başturk jî di çarçoveya lêpirsîna li Artvînê de hatiye desteserkirin, lê heta niha daxuyaniyek berfireh nehatiye dayîn.
MLSAê gotiye ku ew pêşveçûnan dişopîne û dê raya giştî li ser binpêkirinên mafên rojnamevanan agahdar bike.
*Ozan Cirik
Her wiha xebatkarê Sendika.orgê Ozan Cirik jî di çarçoveya heman lêpirsînê de hate desteserkirin. Her weha Cirik birin fermandariya jendermeyan a li Maslakê. Hat hînbûn ku piştî kontrola tenduristiyê ew ê bişînin Artvînê.
(EMK/AY)
