Ji bo nûçeya tirkî / ingilîzî bitikîne
Kemal Ozer, nûçegihanê Dêrsimê yê rojnameya Evrenselê, cara sêyem e ku derketiye pêşberî dadgehê.
Heyeta dadgeha yekem a Cezayê Giran a Dêrsimê, di berdewamiya girtîtiya Ozerî de biryar girtiye. Dadkirin wê 28ê Kanûna Pêşiyê (Berfanbar) berdewam bike.
Ozer: Ez ji bo nûçeyan çûbûm
Li gorî nûçeya ku di Evrenselê de hatiye weşandin, Ozerî wiha gotiye:
“Ez ji bo nûçeyan çûbûm gundê Pamûk ê Xozatê. Ez ji bo wê mijarê bikim nûçe ku bi salane pirsgirêkên wan ên kanalîzasyonê çareser nebûye û gorên wan ji hêla kesên nediyar ve hatine vekirin, li wir bûm.
“Lê li wir kesên bi çek gefa mirinê li min xwarin.”
Parêzer Yildirim: Guman nîne ku bireve
Parêzer Bariş Yildirimî jî diyar kiriye, bûyera ku ji bo girtina Ozerî bûye sedema girtinê 29ê Tebaxê çêbûye û ew piştî wê bi pênc rojan hatiye girtin. Yildirimî gotiye, guman nîne ku Ozer bireve.
Heyetê daxwaza berdana Ozerî qebûl nekiriye. Ji bo Cemîl Guler ê di heman dozê de tê dadkirin û serî li yasaya poşmaniya bibandor daye, biryara berdanê standiye.
Çi bûbû?
Kemol Ozer, 4ê Îlona 2017ê li ser rêya di navbera Dêrsim û Pulurê de hatibû sekinandin û desteserkirin. Piştî heft rojan dema desteserkirina Ozerî ji bo heft rojên din jî hatibû dirêjkirin. 15ê Îlona 2017ê bi tohmeta “endamê rêxistinê ye” ji hêla Dadgeha Ceza û Sulhê ve hatibû girtin. (TP/FD)
