Rojnameger Ercument Akdenîz tehliye nebû
Rojnameger Ercument Akdeniz di çarçoveya lêpirsîna Kongreya Demokratîk a Gelan (HDK) de ji 22ê Sibatê ve li Girtîgeha Marmarayê (Silivri) girtî ye. Akdeniz îro cara yekem derket pêşberî dadwer.
Akdeniz bi îdiaya ku "endamê rêxistinê ye" tê darizandin û beşdarî danişîna li 26emîn Dadgeha Cezayê Giran a Stenbolê bû. Lêbelê, danişîn bi qasî saetekê derengtir ji dema diyarkirî dest pê kir.
Salona dadgehê têra kesên ku dixwestin danişînê bişopînin nekir. Heyeta dadgehê ferman da ku ew destûrê nade kes li pê danişînê bişopîne. Serokê daxwaza parêzeran a hevdîtinê qebûl nekir.
Di navbera mibaşîr û temaşevanan de nîqaş derket
Danişîn bi destûrdayîna temaşevanan ku li ser kursiyên bersûcan rûnin dest pê kir. Ercument Akdeniz bi çepikan anîn salona dadgehê. Wezîfedaran ji bo çepikan hişyar kirin ku ger dubarê bibe dê salonê dadgehê were valakirin.
Saet di 11:51an de heyeta dadgehê ket salonê û danişînê dest pê kir. Parêzerê Akdeniz, Ozcan Yaman diyar kir ku hemû temaşevan neketin salona dadgehê.
Yaman gor, "Parlamenter, parêzer, şandeyên navneteweyî û rojnameger li derve sekinîne," û her weha xwest danişîn li salonek mezintir were kirin.
Piştre serokê dadgehê pirsî, "Ma danişîn vekirî nîne? Ma hûn vê îdîa dikin?"
Yaman bersiv da, "Danîştina vekirî tê wê wateyê ku her kesê ku bixwaze beşdar bibe dikare têkeve hundir." Yaman berdewam kir û diyar kir ku dadgehê parastin bi sê parêzeran sînordar kiriye û ev li dijî şêwazê darizandinê ye û çar parêzeran xwestiye parastinê bike.
Heyeta Dadgehê daxwaza salonek mezintir û ya parastina zêdetir parêzeran qebûl nekir.
Piştî vê yekê parêzerê çaremîn xwest ku ew wekî parêzerê parastinê were tomarkirin.
Lêbelê, serokê dadgehê got "bernameye me ev e" û parastin asteng kir.
Ji salona dadgehê bertek bilind bû. Serokê dadgehê ragihand ku ger bêdengî û aramî berdewam neke, ew ê salona dadgehê vala bikin. Piştî nîqaşan, Ercument Akdeniz dest bi parastina xwe ya li dijî îdianameyê kir.
Akdeniz: Sûcdarkirinên vala ne
Akdeniz diyar kir ku wî di sala 2010an de dest bi rojnamevaniyê kiriye û piştre tevlî EMEP bûye. Her weha behsa wê yekê kir ku EMEP çawa bûye pêkhateyek HDK (Partiya Civaka Demokratîk a Gelan) ê. Akdenîz weha got:
"Îdîaname ji tohmetên neheq, derew û çêkirî pêk hatiye. Mafê min ê rêxistinbûnê û mafê min ê rojnamegeriyê bûye mijara tohmetan. Ez ê hesabê hemû çalakiyên xwe bidim. Em rojnameger in ku li pêy rastiyê ne. Tohmetbarkirin pir zêde hatine werimandin, lê vala ne," Her weha Akdenîz piştre behsa roja ku ew hate desteserkirin kir:
"Ez serê sibê zû ji malê derketim. Min polîsên ku ji bo serdegirtinê hatine, dît. Wan ez desteser kirim. Ez bi qasî nîv saetî dam sekinandin.
Dema ku min pirsî em li benda çi ne, wan got, 'Dema saeta serdegirtinê hat, em ê bi serde bigirin.' Min got ku mifteya min heye, ez ê derî vekim. Tevî vê yekê wan bi levyeyan deriyê min şikandin û ketin hundir. Wan ev jî tomar kir. Piştre dîsa dîmen tomar kirin."
Danişîn bi axaftinên parêzeran berdewam dike.
Piştî navberê dadgehê biryara xwe aşkere kir. Heyeta dadgehê biryara girtîmayîna Akdenîz da û danişîn taloqî 23ê Cotmeha 2025an kir.
"Rojnamegerî ne sûc e"
Berî danişîna yekem a doza Ercument Akdeniz, li ber Edliyeya Stenbolê, bi serokatiya DİSK Basin-İşê daxuyaniyek çapemeniyê hate lidarxistin. Rojnamevan, Parlamenter û mafparêz beşdar bûn. Di çalakiyê de dirûşmeyên wekî "Ercument Akdeniz ne bi tenê ye" û "Çapemeniya azad nayê bêdengkirin" hatin berzkirin.
"Rojnamegerî wekî sûc tê nîşandan"
Elif Akgulê metna daxuyaniyê xwend û rexne li wê yekê girt ku çalakiyên pîşeyî yên Akdeniz weke mijareke darazê tê nîşandan. Akgulê got "Ev rewş careke din nîşan dide ku rojnamegerî li vî welatî ketiye tariyê.” Akgulê diyar kir ku azadiya derbirînê ya rojnamevanan tê tepeserkirin û mafê raya giştî yê agahdarkirinê tê astengkirin. Wê her wiha rewşa rojnamevanê girtî Furkan Karabay jî anî ziman û tekez kir ku ev pêkanîn "operasyoneke bêdengkirinê" ne.
Peyama Akdeniz ji girtîgehê: "Em pênûsên xwe bêdeng nakin"
Serokê DİSK Basin-İşê Turgut Dedeoglu peyama Ercument Akdeniz a ji girtîgehê şandiye parve kir. Akdeniz di peyama xwe de nûçeyên ku di dema girtina wî de dikarîbûn werin çêkirin rêz kir û got, "Rojnamevan ji azadiya xwe ya ragihandinê bêpar dimînin," û got ku azadiya çapemeniyê tê binpêkirin. Em ê nehêlin pênûsa Uğur Mumcu û Metin Goktepe bêdeng bimînin.”
Piştgiriya rêxistinên rojnamegeriyê û siyasetmedaran
Rojnameger Diren Yurtseverê li ser navê DFGê axivî û diyar kir ku ew ê li dijî astengiyên li pêşiya azadiya çapemeniyê û azadiya derbirînê têbikoşin. Hevberdevka HDKê Meral Danış Beştaşê jî bi bîr xist ku Akdeniz ji ber dosyayek 13 sal berê hatiye girtin û got, "Li vir dengê bi mîlyonan hene."
Parlamenterê TİPê Ahmet Şık diyar kir ku girtina Akdeniz siyasî ye û banga "edalet ji bo her kesî, azadî ji bo her kesî" kir. Parlamentera DEM Partiyê Ozgul Sakiyê jî tekez kir ku Akdenîz dengê koçber û penaberan e.
Hevseroka İHDê Eren Keskinê destnîşan kir ku lêpirsîna HDKê siyasî ye, ne yasayî ye û got ku Tirkiye azadiya derbirînê binpê dike.
Çalakî bi destnîşankirina "Rastî nayê bêdengkirin" û "Rojnamegerî sûc nîne" bi dawî bû.
(HA/EMK/AY)
bianet muhabir-editörü (Haziran 2018). 27. Metin Göktepe Gazetecilik Ödülünü kazandı (2024). bianet stajyeri (Temmuz 2014). Expression Interrupted, susma24.com, Jineps, Inside Turkey, tol.org gibi platformlarda haber ve makaleleri yayımlandı. İfade özgürlüğü alanında birçok haber ve makaleye görüş verdi. Yazıları İngilizce başta olmak üzere Almanca, Fransızca, İtalyanca ve Çerkesceye çevrildi. 8 Mart 2018’deki Feminist Gece Yürüyüşünde çektiği fotoğraflar İstanbul Büyükşehir Belediyesince sergilendi. Erciyes Üniversitesi Gazetecilik mezunu.
Cemre Nayir di danişîna yekem de bi şertê kontrola edlî serbest bû
Hewldana 78an: Divê Taksîm bi qanûnî bibe Qada 1ê Gulanê
Rojnameger Tugçe Yilmaz: Tişta ku li vir tê darizandin pîşeyê min e
Astengiya aboriyê a li pêşiya lêgerîna edaletê: Xerciyên pisporan ên di dozên jîngehê de bi mîlyonan e
“Wergirtina telîfê nabe hêcet ji bo sûcdarkirina bi endametiya rêxistinê”
