"Rojnameger bi derketina Qanûna Sansûrê re hatin girtin lê beriya wê jî dihatin girtin"

Vîdeo: Mîr Alî Koçer

Li gorî rapora ku Komeleya Xebatên Medyayê û Hiqûqê (MLSA) di 29ê Çiriya Pêşiyê ya 2022yê de weşandiye, li Tirkiyeyê bi kêmanî 65 rojnameger girtî ne. Di 6 mehên dawiyê de 32 rojnamegerên ku di çapemeniya kurdan de kar dikirin, hatine desteserkirin, ji van 25 rojnameger jî hatine girtin.

Di 20ê Çiriya Pêşiyê de polîsan li 9 bajaran avêtibûn ser ofîsên Ajansa Mezopotamyayê û Jinnewsê û rojnamegerên li van herdu ajansan kar dikin. 12 rojnameger desteser kiribûn. Nûçegîhana Jinnewsê Derya Ren, ji ber ku di dosyayeke din de cezayê lê hatibû birîn, pesend bûbû, yekser girtin û şandin girtîgehê. Her weha rojnameger Zemo Aggoz, ji ber ku pitika wê ya 48 rojî hebû, bi şertê kontrola edlî serbest bû. Midûra Nûçeyan a MAyê Dîren Yûrtsever, nûçegîhan Emrûllah Acar, Bêrîvan Altan, Selman Guleryuz, Denîz Nazlim, Ceylan Şahînli î Hakan Yalçin, nûçegîhanên Jinnewsê Oznûr Deger û Habîbe Erenar hatibûn girtin.

Nûçegîhana Ajansa Jinnewsê Medya Uren û Parêzera Baroya Amedê Pîrozxan Karalî derbarê zext û pêkûtiyên li ser rojnamegeran de axivîn.

Bixwîne - CPJyê ji Tirkiyeyê xwestiye tacîza li ser çapemeniya kurdan bi dawî bike

Bixwîne - 11 Rojnamegerên desteserkirî birine Enqereyê û dema desteserkirina wan dirêjkirine

(MAK/FD)