Ji bo nûçeya tirkî / ingilîzî bitikîne
Serdozgeriya Komarî ya Stenbolê duh (20ê Sibata 2019ê) aşkere kiribû ku îdianameya di çarçoveya lêpirsîna derbarê çalakiyên Parka Geziyê de hatiye amadekirin.
Îdîaname bi awayekî nivîskî nehatiye belavkirin, lê serdozgerî, li odeya xwe ya edliyeyê derbarê îdianameyê de agahî daye nûçegihanan.
Li gorî vê îdianameyê li gel navê Osman Kavalayî ku 477 roj in girtî ye û Yîgît Aksakoglû ku ji 16ê Çiriya Paşiyê (Sermawez, Mijdar) ya 2018ê û vir ve girtî ye, navê 16 kesên din jî derbas dibe.
Bixwîne - Dozgeran ji bo Osman Kavala û 15 mafparêzan mûebeta zehmetkirî xwest
“Îdîaname civaka sivîl dike hedef”
Andrew Gardner, Dîrektorê Lêkolîn û Stratejiya Tirkiyeyê yê Rêxistina Efûyê ya Navnetewî derbarê mijarê de daxuyaniyeke nivîskî weşandiye. Gardnerî bertek nîşanî tohmetan daye û diyar kiriye ku îdianame dixwaze civaka sivîl bêdeng bimîne:
“Ev îdiayên dûrî aqila, dixwaze dîrokê ji nû ve binivîse û aktorên civaka sivîl ên Tirkiyeyê bêdeng bike. Ev aktor bi wî tiştî re rûbirû ne ku dibe ji hêla sîstema hiqûqê ya Tirkiyeyê ya nebaş kar dike bên dadkirin.
“Di ser protestoyên Parka Geziyê re bi qasî şeş salan derbas bûye ku bi deh hezaran mirov li hemberî çewisandinên dewletê bi rengekî aştiyane kom dibûn. Heke ku îdianameya navborî ji hêla dadgehê ve were qebulkirin, dibe ku gumanbar cezayê girankirî yê girtinê re rû bi rû bimînin.
“Divê dest ji van tohmetan bên berdan û Osman Kavalayê ku 16 meh e girtî ye û Yîgît Aksakoglû yê ku 4 meh e ku girtî ye demildest bên berdan.” (EMK/FD)
.jpg)
