Keştiya Koalîsyona Fîloya Azadiyê (Freedom Flotilla Coalition – FFC) ya bi navê "Madleen", ku di 1ê Hezîranê de ji bo gihandina alîkariya mirovî bo Xezeyê derketibû rê, derdora saet 02:00ê şevê li Deryaya Spî ji aliyê komandoyên deryayî yên Îsraîlê ve hat revandin.
Artêşa Îsraîlê 12 kesên di keştiyê de bûn desteserkirin û ragihand ku dê keştîyê bibin bendera Aşdodê ya Îsraîlê.
Xwebexşên di keştiya Madleenê de bûn ji aliyê artêşa Îsraîlê ve hatin revandin
Li gorî nûçeya Ajansa Anadoluyê, komek çalakvanên Îsraîlî û navneteweyî li benderê kom bûn û bi alên Filistînî daxwaza bidawîanîna dorpêça li ser Xezeyê kirin û daxwaza rawestandina êrîşên Îsraîlê kirin.
Fîloya Azadiyê berê jî gelek caran ji bo protestokirina dorpêça li ser Xezeyê û gihandina alîkariya mirovî derketibû rê û rastî êrîşên Îsraîlê hatibû.
12 aktîvîstên ku di keştiyê de bûn ev in:
Endama Parlamentoya Ewropayê (PE) ya Fransî Rima Hassan û welatiya Almanyayê Yasemin Acar, ji Tirkiyeyê Huseyin Şuayb Ordu, ji Brezîlyayê Thiago Avila, Sergio Toribio ji Spanyayê, Marco van Rennes ji Hollandayê, Baptiste Andre, Reva Viard, Pascal Maurieras û Yanis Mhamdi ji Fransayê, çalakvana avhewayê ya Swêdî Greta Thunberg û rojnameger Omar Faiad(El Cezire).
Çi bûbû?
Keştiya Madleenê ya 18 metreyî di 1ê Hezîranê de ji Bendera San Giovanni Li Cuti ya li bajarê Kataniayê ji bo Xezeyê bi rê ketibû.
Berdevkê Artêşa Îsraîlê Effie Defrin di daxuyaniyek çapemeniyê de got ku ew li dijî keştiya ku alîkariya mirovî dibe Xezeyê amadekariyê dikin.
Di 2ê Gulanê de keştiya Koalîsyona Fîloya Azadiyê ya bi navê “Conscience” li peravên Maltayê rastî êrişa dronan hatibû.
(TY/AY)
