Ji bo nûçeya tirkî bitikîne
Platforma 12ê Adarê, di salvegera 28an a qetlîama Gaziyê de bîranînek pêk aniye.
Di 12ê Adara 1995ê de li Stenbolê, li Taxa Gaziyê li dijî welatiyên elewî qetlîamek pêk hatibû.
Bernameya bibîranîne li ber Weqfa Perwerde û Çandê ya Gaziyê ango li ber Cemxaneyê pêk hatiye û gelek welatî beşdar bûne.
Çalakgeran di dema çalakiyê de al, flama û kaxiz hildane kul i ser van kaxizan “dewleta kujer”, “dewletê ew kuştin” nivîsîbûn.Polîsan dest daniye li ser van kaxizan û nehiştine çalakger bi wan bimeşin.
Welatiyan her weha fotografên kesên di dema qetlîamê de hatine kuştin hildane û ber bi qereqola kevn ve ketine rê.
Li gorî nûçeya Ajansa Mezopotamyayê, di dema çalakiyê de her weha kesên ji ber erdhejê mirine jî nehatine jibîr kirin. Di dema çalakiyê de navên bajarên ku erdhejê bandor lê kiriye hatiye xwendin û girseyê gelek caran slogana “hikûmet îstîfa” berz kiriye. Girse û malbatên kesên ku di dema qetlîamê de hatine kuştin, qurnefîl danîne Parka Huseyîn Altinî.
“Ceza bi tenê dan 2 polîsan”
Li ser navê girseyê Erkan Şîmşek, birayê Dîlek Şîmşekê ya di dema qetlîamê de hatiye kuştin axiviye û gotiye:
“Armanca kujerên destbixwîn ew bû ku gel bi hev bide kuştin û şer û pevçûnê di navbera elewî û suneyan de derbixin. Lê gele Gaziyê kesên provokasyon pêk aniye û sedema wê jî dizanîbû. Armanc ew bû ku li Gaziyê mixalefeta şoreşger bitepisînin û hemû gelê şoreşger û demokrat çavtirsandî bikin.
“Berxwedan bi rojan di rojeva welat de bû û weke ku di çapemeniyê de jî bi zelalî hate dîtin, kesên güle bera dan diyar bûn, lê digel vê jî bi dozên çavşuştinê kujeren dihatin dadgehkirin, nehatin cezakirin. Bi tenê ji ber çar kes kuştine, sê sal û nîv cezayê girtîgehê li polîsê kujer Adem Albayrakî, ji ber du kes kuştine jî sal û heşt meh cezayê girtîgehê li Mehmet Gundogdûyî birin. Serokwezîra demê Tansû Çîller, Wezîrê Karûbarên Navxweşî Nahît Menteşe, Serokê Beşa Îstîxbaratê yê Midûriyeta Giştî yê Emniyetê Hanefî Avci, Midûrê Giştî yê Emniyetê Mehmet Agar, Waliyê Stenbolê Hayrî Kozakçioglû û Midûrê Emniyetê yê stenbolê Nected Menzîr û tetikkêşên van kesan berpirsiyar in û divê bên cezakirin.”
Piştî daxuyaniyê girse ber bi Goristana Gaziyê ve meşiyan û qurnefîl danîn li ser goran. (ME/FD)
