Nûreddîn Yildiz bi gotinên xwe yên “zarokên keç yên 6 salî dikarin bên zewicandin” tê nasîn. Yildiz weke axaftvanê bernameyekê ji bo Zanîngeha Bogazîçiyê hatibû vexwendin. Ji ber vê yekê xwendekarên Zanîngeha Bogaziçiyê bertek nîşanî Nureddîn Yildiz dan.
Xwendekarên ku Yildiz protesto kirin rastî midaxeleya polîsan hat û di encamê de 97 xwendekar hatibûn desteserkirin.
Ji 97 xwendekarên ku hatibûn desteserkirin, jê 14 bi tohmeta ku "nehiştine wezîfedar erka xwe pêk bîne û li dijî vê li ber xwe dane” bi daxwaza girtinê sewqî Dadgeha Cezê û Aştiyê ya Nobedar hatin kirin û 6 ji wan hatin girtin.
Li gorî Boğaziçi TVyê, kesek ji ber îtîrazê serbest hatiye berdan, û ji bo pênc kesên din jî li benda biryarê ne.
(AB/AY)
