Ji bo nûçeya Tirkî / İngilîzî bitikîne
Polîsekê bi navê O.Y. li Silopyayê di 3yê Gulanê de li xaniyekê dabû û du zarokên di xanîyî de, Muhammed Yildirimê 7 salî û birayî wî Furkan Yildirimê 6 salî kuştibûn.
Dadgehê di yekem rûniştina dadkirinê de polîs tehlîye kir.
Bixwîne - Panzêra polîsan ket nava malê, du zarok mirin
Li Dadgeha Cizîrê ya Cezayên Giran ji bo polîsê navborî û fermandarê wî M.M. doz hatibû vekirin. Polîsê O.Y. diyar kiribû wî belgeya bikarhînana wesayitên zirxkirî nîne.
Bixwîne - Polîsê ku li Silopiyê bû sedema mirina du zarokan hat girtin
Dadgehê şeva dî biryar da û bersûc da tehlîyekirin. Polîsê li dîwarê xaniyê welatiyan dayî, diyar kir ku ti qusûrên wî nîne.
Çi bûbû?
Li taxa Karşiyakayê ya navçeya Silopiyê ya Şirnexê di 3yê Gulanê de panzera polîsan a bizirx ji ber sedemeke ku nehatiye zanîn li dîwarê xaniyekî da û ket nava malê.
Panzêrê piştî ku dîwar rûxand û heta nava odeyê çû û di encamê de bû sebeba kuştina Muhammed Yildirimê 7 salî û birayî wê Furkan Yildirimê 6 salî.
Li ser bûyerê HDPyê ji Wezareta Karên Navxweyî û Walîtiya Şirnexê pirsî: “Weke ku şahidên bûyerê îdia dikin, gelo raste ku polîsên wesayita bi navê akrepê bikar dianîn serxweş bûn an na?(AS/MB)
