Ji bo nûçeya Tirkî / Ingilîzî bitikîne
Polîsan parlamenterê Amedê yê Partiya Gelan a Demokratîk(HDP), Nîmetûllah Erdogmûş li Enqereyê desteser kiriye.
HDPyê li ser hesabê xwe yê Twîtterê da zanîn ku ji ber Erdogmûş tevlî cimaeta nimêja Înê bûye ew hatiye desteserkirin.
Diyarbakır Milletvekilimiz Nimetullah Erdoğmuş, katıldığı Cuma Namazı gerekçesiyle hakkında oluşturulan fezlekeden dolayı gözaltına alındı. pic.twitter.com/vst5bvQwmu
— HDP (@HDPgenelmerkezi) 15 Aralık 2016
Ajansa Nûçeyan a Firatê da zanîn ku Erdogmûş dema ji parlamentoyê derdiket hatiye desteserkirin.
12 parlamenterên HDPyê gitî ne
Herdu hevserokên HDPyê Selahattîn Demîrtaş û Fîgen Yûksekdag parlamenterên Şirnexê Ferhat Encû û Leyla Bîrlîk, parlamenterên Colemêrgê Selma Irmak û Abdullah Zeydan, parlamenterên Amedê Zîya Pîr, Idrîs Balûken, Nûrsel Aydogan û Îmam Taşçier, parlamenterê Enqereyê Sirri Sûreyya Onder û parlamentera Mêrdînê Gulser Yildirim di 4ê Çiriya Paşiyê de hatibûn desteserkirin.
Fîgen Yûksekdag, Selahattîn Demîrtaş, Idrîs Balûken, Leyla Bîrlîk, Selma Irmak, Nursel Aydogan, Gulser Yildirim, Abdullah Zeydan û Ferhat Encû di heman rojê de hatibû girtin.
Parlamenterê HDPyê yê Colemêrgê, Nîhat Akdogan di 7ê Çiriya Paşiyê de hat girtin.
Cihgira berdevkên HDPyê Çaglar Demîrel û Besîme Konca di 13ê Kanûna Pêşiyê de hatin girtin. Hejmara parlamenterên girtî yên HDPyê bûn 12.
Nîmetûllah Erdogmûş
Di sala 1960ê de li Çewlikê(Bîngol) hatiye dinê.
Li Zanîngeha Atatûrkî li Beşa Îlahiyatê xwendiye. Li elezîz, Amed û Kilîsê bûye miftî.(BK/MB)
