Polîsan midaxeleyî 23emîn Meşa Rûmetê a Stenbolê kir: Herî kêm 40 kes hatin desteserkirin

23emîn Meşa Rûmetê a Stenbolê îro (29ê Hezîranê) di çarçoveya 33emîn Hefteya Rûmetê a Stenbolê de li Ortakoyê pêk hat. Polîsan midaxeleyî meşê kir.

Hejmareke mezin ji kesên ku dixwestin beşdarî meşa bi dirûşmeya "Israra di jiyanê de" hate lidarxistin bibin, berî ku bigihîjin qadê, ji aliyê polîsan ve hatin astengkirin.

Di çarçoveya 23emîn Meşa Rûmetê a Stenbolê de LGBTİ+yên ku li kolanên Ortakoyê kom bûn, rastî midaxeleya polîsan hat. Polîsan rojnameger jî di nav de gelek kes desteserkirin.

📹 bianet pic.twitter.com/11Wg6QvPrs

— bianet Kurdî (@bianet_kurdi) June 29, 2025

Piştî ku meşê destpêkir rojnameger jî di nav de polîsan gelek kes bi mertalan dorpêç kirin. Polîsan hewl dan mudaxeleyê parlamentera Stenbolê Kezban Konukçuyê jî bike.

Polîsan bi awayekî tund mudaxeleyî beşdaran û alên wan ên keskesor kirin, herî kêm 40 kes desteser kirin û ji bo girseyê belav bikin, dorpêç berfirek kirin. Di nav kesên hatin desteserkirin de rojnameger Nur Kaya ku ji bo bianetê meş dişopand, Edîtora Medyaya Civakî ya bianetê Evrîm Gunduz û nûçegihanê Ozgur Gelecekê Yusuf Çelîk jî hene.

Li gorî zanyariyên ku aktîvîstan ragihandine, li qadê ji LGBTI+yan zêdetir polîs hene.

(TY/AY)