Polîsan berê li mexdûrê erdhejê daye, paşê gotiye “bibore, bi şaşî me li te da”

Fotograf: ÇHD

Ji bo nûçeya tirkî / ingilîzî bitikîne

O. T. û du biraziyên xwe yên li Hatayê polîsan derb li wan daye, giliyê polîsan kiriye. O. T. û xwarziyên xwe li ber mala xwe li benda tespîtkirina ziyanê bûn. Polîsan bi tohmeta ku "diz in" li wan daye.

O. T. jî ji bianetê re got ku beriya bûyerê jî ew nexweşê giran ê depresyonê bû û di dema êrîşa polîsan de li serê wî dane, ji ber wê jî hişê wî ji serê wî diçe.

O. T. û malbata xwe piştî erdhejê neçar mane û li konan mane. Hîna jî li bin konekî dimînin. Mala xwe ya ziyandîtî îro wê vala bikin.

"Ji qereqolê bangî min kirin"

O. T. yî diyar kir ku piştî bûyerê wan giliyê polîsan kiriye û ji qereqolê bang li wî kirine û jê xwestine giliyê xwe bi şûn de bikişîne.

O. T. yî got ku wî gotiye ew giliyê xwe bi şûn de nakişîne di 25ê Sibatê de li Midûriyeta Polîsan a Şehît Ozenî behsa roja bûyerê kiriye:
"Di 24ê Sibatê de li ser koma Whatsappê ya sîteya me nivîsîn û gotin ku rewşa avahiya me xirab e û kesên bixwazin lê binêrin dikarin bên. Ez û xwarziyên xwe em çûn navnîşana me. Dema em li ber avahiyê bûn, polîsên tîmên taybet bi wesayiteke sipî ya Ford transîtê hatin. Ji me pirsîn ku hûn çi dikin. Min jî got, ez di qatê 5an ê vê avahiyê de rûdinêm. Polîsekî ku xwe bi navê Ö. da nasîn ji min re got, ka çi pêwîstiyê min hene yan na. Min got, pêwîstiya me bi sobeyekê heye. Wî polîsî jimara telefona xwe da min û got ew ê bibe alîkar.

Paşê zanyariyên nasnameya min xwestin, ji ber ku nasnameya min li malê mabû, min zanyariyên xwe ji jimara polîsê bi navê Ö. re şand. Polîsekî din li GBTya min nêrî. Polîsê li GBTya min nêrî, got ku navê min li emniyetê tomarkirî ye û ez dizim û bi kulma xwe li bin çenga min çepê da, ez ketim xwarê. Dema ez li xwarê bûm, bi çonga xwe pê li min kir û bi destîkê çeka xwe çend caran l iserê min da. Berê çeka xwe da min û got, 'ez ê te li vir bikujim, dengê xwe dernexe, qut bike ûlan'. Dema ez li erdê bûm, polîsên din jî bi milên min girtin û bi pehînan li zikê min dan.

"Di vê demê de polîsên din bi destikên çekên xwe li serên biraziyên min ên xwestin alîkariya min bikin dan. Min ji polîsan re got, 'ez li vir rûdinên, hûn nikarin li min bidin'.

Piştî bi nîv saetê serekê polîsan hat, min jê re behsa rewşê kir. Serekê wan ji min re got, "Hewce nake em dirêj bikin. Em mijarê li vir bigirin, ger ez li vir bûma, tê xirabtir bûya.

Serekê polîsan ji min û xwarziyên min lêborîn xwest û em ji ber mala xwe çûn nexweşxaneyê. Li nexweşxaneyê ez ji ser hişê xwe çûme, piştî bi rojekê ez hatim ser hişê xwe." (AS/FD)