Platforma Tenduristiyê ya Amedê ‘Helwesta xwe ya Hilbijartinê’ eşkere kiriye

Ji bo nûçeya tirkî bitikîne

Platforma Tenduristiyê ya Amedê têkildarî hilbijartinê 14ê Gulanê “Helwesta xwe ya Hilbijartinê” eşkere kiriye.

Daxuyanî li Şaxa Sendîkaya Kedkarên Xizmetên Tenduristî û Civakî (SES) ya Amedê hate dayîn û pankarta “Heta demokrasî nebe tenduristî nabe” hatiye vekirin. Daxuyanî ji aliyê Seroka Odeya Bijîşkan a Amedê Elîf Turanê ve hatiye xwendin.

Turanê diyar kiriye ku li Tirkiyeyê girîngtirîn hilbijartin dê bên lidarxistin û wiha gotiye: “Ev hilbijartin ne tenê hilbijartina parlamenteran û serokomar e. Di heman demê de em ê ji polîtîkayên desthilata roj bi roj otorîter dibe re bibêjin ‘erê’ yan jî ‘bes e.’ Ber bi hilbijartinê ve desthilat zextên xwe yên li ser muxalîfan zêde dike. Zimanê hişk û tundiyê weke amûreke zextê bi kar tîne, nirxên olî bi kar tîne, cihêkariyê dike. Hilbijartineke bitendurist yekser girêdana xwe bi pêvajoyeke bitendurist a hilbijartinê heye. Li cihekî otorîter û di mercên newekhev de, pêvajoyeke demokratîk a piranîparêz û pêvajoyeke bitendurist a hilbijartinê çênabe.”

 “Demokrasî nebe tendurustî jî nabe”

Turan gotiye ku ew weke Platforma Tenduristiyê ya Amedê bang li her kesî dikin ku dengê xwe ji bo aştî û demokrasiyê bidin û daxwazên xwe wiha rêz kiriye:

“* Em wan ferasetên li gel ku ji bo pêvajoyeke bitendurist a hilbijartinê hemû derfetê di dest de hene jî bêhelwest tevdigerin bi dengên xwe mehkûm bikin.

* Dengê xwe em bidin partî û tifaqên ku dawî li polîtîkayên nexweş weke mezêxer û muşterî dibîne tîne, bi vesazkirinên nû re dema pêwîst ji bo nexweşan vediqetînin diafirîne û girîngiya dide mercên xebata biwesf.

* Em dengê xwe bidin ferasetên bi qedrê xebatkarên tenduristiyê dizanin, yên ji bo mafên wan têdikoşin, yên rê li ber xwebirêxistinkirinê vedikin, yên pîşeyên me ji ketina piyasayê rizgar dikin û mercên bo me diafirîne ku em birûmet bikin.

* Em dengê xwe bidin wan kesan ên soz didin ku hemû çavkaniyên ji bo xizmeta tenduristiyê hatine veqetandin têxe xizmeta tenduristiya cemaweriyê.

* Em wan kesan hilbijêrin ku ji bo hemû kesan xizmetguzariya tenduristiyê ya wekhev, gihîştbar, biqalîte, bêpere û bi zimanê dayikê dixwazin.

* Di serî de kedkarên tenduristiyê, divê tevahiya hilbijêran baş bizanin ku heta demokrasî nebe tenduristî jî nabe. Banga me ji bo tevan ew e ku dengê xwe ji bo demokrasiya piranîparêz û guherînê bidin.”(EMK/AY)