Piştî tayînkirina qeyûm li 11 bajaran çalakî hat qedexekirin
Piştî tayînkirina qeyûm ji bo Şaredariya Colemêrgê li 11 bajaran hemû çalakî û bername hatin qedexekirin.
Bi biryara walîtiyan li bajarên Colemêrg, Wan, Amed, Mêrdîn, Êlih, Şirnex, Sêrt, Bedlîs, Agirî, Mûş û Îdirê çalakî hatine qedexekirin.
Ji bo Şaredariya Colemêrgê qeyûm hat tayînkirin
Walîtiyên 11 bajaran di daxuyaniyê qedexekirinê diyar kirine ku her cure civîn, meşên xwenîşandanê, miting, civînên li qadên vekirî, çalakiyên protestoyî, çalakiyên rûniştinê, grevên birçîbûnê, vekirina standan, kampanyayên îmzeyan, konser, şahî, belavkirina belavokan, belavkirina broşuran, vekirina afîş û posteran û yên din li gorî qanûnên bi hejmara 2911 û 5442an hatine qedexekirin.
Bajarên ku çalakî lê hatine qedexekirin ev in:
Colemêrg: 3ê Hezîranê heta 12ê Hezîranê
Wan:3- 7ê Hezîranê
Êlih: 3-9ê Hezîranê
Amed: 3-6ê Hezîranê
Sêrt: 3- 9ê Hezîranê
Bedlîs: 3- 12ê Hezîranê
Mêrdîn: 4-10ê Hezîranê
Şirnex: 4-10ê Hezîranê
Agirî: 4-10ê Hezîranê
Mûş:4-10ê Hezîranê
Îdir: 4-10ê Hezîranê
Duh(3ê Hezîranê) Hevşaredarê DEM Partiyê Mehmet Siddik Akiş hat desteserkirin û bi daxuyaniyekê Wezareta Navxweyî qeyûm tayînî Şaredariya Colemêrgê kir.
