Piştî Newroza Îzmîrê 6 kes hatin girtin
Li Îzmîrê ji 35 kesên ku hatibûn desteserkirin jê 6 kes bi iddiaya ku "propagandaya rêxistinê kirine" hatin girtin. Her weha 29 kes jî bi biryara kontrola edlî serbest bûn.
![Piştî Newroza Îzmîrê 6 kes hatin girtin](https://static.bianet.org/haber/2024/03/20/izmir-newroz-undan-sonra-alti-kisiye-tutuklama.jpg)
Li Îzmîrê di 17ê Adarê de Newroz hat pîroz kirin. Piştî pîrozbahiyan di roja Duşema 18ê Adarê de polîsan bi ser gelek malan de girtin û 35 kes desteserkirin. Kesên desteserkirî duh(19ê Adarê) birin dozgeriyê.
Li gor nûçeya Ajansa Mezopotamyayê ji 35 kesên ku şandin dozgeriyê jê 6 kes bi daxwaza girtinê û 29 kes jî bi daxwaza kontrola edlî şandin dadgehê.
Her weha ji wan 6 kes bi iddiaya ku "propagandaya rêxistinê kirine" hatin girtin, 29 kes jî bi biryara kontrola edlî serbest bûn.
(TY/AY)