Peykerê Vladimir Lenîn ê 23 metreyî ku li bajarê Oşê yê Kirgizistanê bû, hatiye rakirin. Kirgizistan welatekî Asyaya Navîn e.
Heta niha nehatiye aşkerekirin ku peykerê serokê damezrîner ê Yekîtiya Sovyetê, ku di sala 1975an de li navenda bajêr hatibû danîn, birine kîderê. Ev peykerê herî mezin ê Lenîn ku li Asyaya Navîn e.
"Pêkanîneke giştî ye"
Rêvebirên bajarê Oşê gotin ku peyker di çarçoveya "pêkanîneke giştî" de ji bo bipêşxistina "xuyangiya mîmarî û estetîkî" ya bajêr, cihê peykerê hatiye guhertin. Bajarê Oşê piştî paytext Bîşkekê duyemîn bajarê herî mezin ê wî welatî ye
"Pirsgirêkê nekin siyasî"
Ne diyar e ku ev gava ku li Kirgizistanê, ku hevalbendê Rûsyayê ye û baregehên leşkerî yên Rûsyayê li xwe digire, dê çawa li Moskowê deng vede. Ev demekê ye Kremlîn piştî Şerê Ukraynayê rabirdûya Sovyetê derdixe pêş, hefteya borî li Moskowê bîrdariya cîgirê Lenîn, Josef Stalin, hatibû vekirin.
Her weha Şaredariya Oşê bi bîr xist ku hin peykerên Lenîn li Rûsyayê jî hatine rakirin û peyama "Meseleyê nekin siyasî" da.
(AB/AY)
