PEyê Reşnivîsa Rapora Derbarê Tirkiyeyê de qebûl kiriye

Ji bo nûçeya tirkî / ingilîzî  bitikîne

Duh (20ê Sibata 2019ê) li Komîteya Karên Derve ya Parlamentoya Ewropayê (PE) reşnivîsa Rapora 2018ê ya Derbarê Tirkiyeyê de hatiye nîqaşkirin.

Li Komîteyê hinek guhertin di nava raporê de hatine kirin û rapor li hemberî 7 dengên neyêni bi 47 dengên erênî hatiye qebûlkirin. 10 endaman jî dudilî mane.

Kati Piri raportora derbarê Tirkiyeyê ya PEyê reşnivîs amade kiriye û di raporê de hatiye pêşniyazkirin ku gotûbêjên ji bo Tirkiye beşdarî Yekîtiya Ewropayê bibin bên sekinandin û behsa binpêkirinên mafan hatiye kirin.

Reşnivîs wê di Cıvata Giştî ya PEyê ya di navbera 11 û 14ê Adarê de çêbibe, were nîşaqkirin. Biryarên PEyê weke pêşniyaz tên qebûlkirin û endaman naxe bin berpirsiyariyê.

Di raporê de behsa bûyerên gendeliyê, binpêkirinên mafên mirovan, girtina 160 dezgehên çapemeniyê, binpêkirina rêxistinên LGBTI û yên mafparêz, girtina Osman Kavala û Selahattîn Demîrtaşî, her weha serlêdanên ji bo penaberiya li welatên Yekîtiya Ewropayê de hatiye kirin.

Dîsa bibîr hatiye xistin ku di dema çêkirina Balafirxaneya Stenbolê ya ji 2015ê û vir ve berdewam dike de 38 kes mirine. Derbarê vê de atiye diyarkirin ku kesên ji ber şert û mercên xirab çalakiyên protestoyî li dar xistine hatine girtin û ev rewş hatiye rexnekirin.

Ji bo binpêkirinên mafên mirovan ên li rojhilatê başûrê Tirkiyeyê jî hatiye gotin ku divê çareseriya aştiyane were sazkirin.

Tirkiyeyê bersiva raporê daye

Hamî Aksoy, Berdevkê Wezareta Karên Derve derbarê raporê de daxuyaniyeke nivîskî weşandiye û gotiye, “Ti berpirsiyariya wê ya hiqûqî nîne û tenê weke pêşniyazan e. Nayê qebûlkirin ku di raporê de bang bikin û bixwazin gotûbêjên ji bo welatê me beşdarî Yekîtiya Ewropayê (YE) bibe bên sekinandin”. (AS/FD)