Pêşengeha cara 10emîn e li Amedê tê li dar xistin. Nêzî 200 weşanxane û zêdeyî 300 nivîskar wê tevlî bibin, wê 9 roj bidome.
Li gorî agahiyên ku berdevkê lijneya rêvebirina pêşengehê Şehmûs Dîkenî da, heta niha nêzî 100 çalakîyên weke panel, hevpeyvîn, belgefîlm hatine plan kirin û hê jî plansazî dewam dike.
Pêşengeha Pirtûkan ya Amedê ya bi hevkariya Odeya Pîşesazî û Bazirganiyê ya Amedê (DTSO) û Eylûl Fuarcılıkê tê lidarxistin.
Wê di navbera 16-24’ê Kanûnê Pêşiyê de li Navenda Kongre û Pêşangehan ya Mezopotamyayê wê bê lidarxistin.
Xwedîye Weşanxaneya J&Jyê û Berdevkê Înîsîyatîfa Weşangerên Kurd Azad Zal ku di lijneya rêvebirina pêşengehê de jî cîh digire agahî da bîanetê û got herî kêm 40 weşanxanêyên Kurd wê tevlî pêşangehê bibin.
Zal, di hefteyên borî de li ser buhabûna pirtûkan duxuyanî dabû bîanetê û gotî bû ‘Êdî xwendin bû ye luks.’ Azad Zal xwendakaran vexwend pêşengehê:
“Bila xwendevanên Kurdî amadekariya xwe bikin. Bila zarokên me pirtûkên kurdî bixwînin ku bila mêjiyê me, ji aliyê kurd û kurdewariyê baştir û geştir bibe.”
Bernameyên li pêşangehê weha ne:
· Şi’ra Berken Bereh û Cihê wî li Şi’ra Serbest (16ê Kanûnê, Saet 16.00, Weşanxaneya Avesta)
· Di helbestê de Evîn û Netewperwerî (18ê Kanûnê, Saet 14.00, Weşanxaneya Payîzê)
· Hişpêl (Kîrdkî/Zazakî) (20ê Kanûnê, Saet 15.00, Weşanxaneya J&J)
· Siltanê Kurd Selahadîn Eyûbî (23yê Kanûnê, Saet 13.00, Weşanxaneya Lîsê)
· Xebatên Qeydkirin û Arşîvkirina Mûzîka Kurdî di Sedsala Dawî da (23yê Kanûnê, Saet 17.00, Weqfa Mezopotamyayê)
· Rola Dayika Niştiman Di Şanoya Kurdî De da (24ê Kanûnê, Saet 15.00, Weşanxaneya Na)
· Dîwana Muzîkê-Danasîna Pirtûka ‘Hînkera Zerb û Rîtmên Kurdî’ (22yê Kanûnê, Saet 18.00, Ma Muzîk)
· Di Xebatên Zimanî û Rewşenbîrî de Girîngiya Sazîbûyînê/Rêxistinbûyînê (23yê Kanûnê, Saet 15.00, Pena Kurd)
· Ziman, Perwerdehî û Wêje (23yê Kanûnê, Saet 12.00, Komeleya Lêkolînên Ziman û Çanda Mezopotamyayê)
(BA/AY)
