Derbarê pênc parlamenterên berê yê HDPê de xwepêşandanên dijî DAEŞê yên 6-8ê Çiriya Pêşiya 2014an weke hêcet hatibû nîşandan û doz li wan hatibû vekirin. Di dozê de yekane parlamenterê girtî Huda Kaya bû.
Kaya li pêş girtîgehê ji aliyê hevalên xwe yên HDP/DEM Partiyê ve ku di nav wan de Hevseroka berê ya HDPê Pervîn Buldan û Berdevkê HDKê Cengîz Çîçek jî hebûn, bi kulîlkên hat pêşwazîkirin.
Yekemîn danişîna doza ku li 22emîn Dadgeha Cezayê Giran a Enqereyê li dijî parlamenterên berê yên Partiya Demokratîk a Gelan (HDP) Hûda Kaya, Serpîl Kemalbay, Fatma Kurtulan, Pero Dundar û Garo Paylan hatibû vekirin, bi parastina Huda Kayayê û parêzeran dest pê kir.
Dozger xwest ku Kaya girtî bimîne
Piştî parastinan dozger nêrîna xwe pêşkeş kir û xwest girtîbûna Huda Kayayê bidome. Dadgehê biryara xwe ya navberê eşkere kir û çûna Kayayê ya derveyî welat qedexe kir û bi şertê ku Kaya mehê carekê îmzeyê bide, serbest berda.
Piştî biryara tehliyeyê DEM Partiyê li ser Xê serbest bûna Kayayê pîroz kir.
Önceki dönem HDP Milletvekili Hüda Kaya yoldaşımız, bugün ilk duruşması görülen İkinci Kobanî Kumpas Davasından tahliye edildi. Hoş geldin aramıza. Tüm tutsak yoldaşlarımız özgür olana dek mücadelemiz sürecektir. pic.twitter.com/Opd5AamG42
— DEM Parti (@DEMGenelMerkezi) June 25, 2024
(AEK/AY)
