Bi desteserkirina Şaredarê Bajarê Mezin ê Stenbolê Ekrem Îmamoglû re li Saraçhaneya Stenbolê xwepêşandanan dest pê kiribûn. Nûçegîhanê Sendîka.Orgê Zîşan Gur dema xwepêşandan dişopand hatibû desteserkirin. Gur bi şertê kontrola edlî hat berdan.
Gur duh êvarê tevî 66 kesên ku di heman çalakiyan de hatibûn desteserkirin sewqî Edliyeya Stenbolê ya li Çaglayanê kirin. Dozgerê dosyayan yek bû. Dozgerê ku îfadeyên desteserkirîyan negirt, di nava 5 deqeyan de 44 kes bi daxwaza girtinê û 22 kes jî bi şertê kontrola edlî şand dadgehê.
Dadgeha Cezê û Aştiyê biryara girtina 26 kesan da û 40 kes jî bi şertê kontrola edlî serbest berdan. Nûçegihanê Sendika.Orgê Zişan Gur jî bi şertê kontrola edlî serbest bû.
(HA/AY)
