Nûbiharê pirtûka bi navê “Gotinên Pêşiyên Kurdan Bi Zimanê Gundan” û ya bi navê “Şahnameya Kurdan” çap kiriye.
“Gotinên Pêşiyên Kurdan Bi Zimanê Gundan” di encama xebata berhevkariyê de amade bûye. Berhevkar û amadekarê vê pirtûkê Mihyedînê Mihemedê Remo ye. Remo bi xwe jî ji wê herêmê ye û li ser vegotin û devoka Torê sekiniye. Di çîrok û çîvanokên pirtûkê de, bi rêya diyalogan hewl daye devoka herêmê biparêze.
“Şahnameya Kurdan”
Nûbiharê pirtûka Mela Ehmedê Palo ya bi navê “Şahnameya Kurdan / Civîna Nemiran” çap kiriye. Pirtûk ji du bergan pêk hatiye û helbestvanî navê berga yekem daniye “Civîna Nemiran” ya duyem jî “Civata Nemiran û Şoreşên Kudî”.
Di berga yekem di Palo behsa lehengên kurdan ên dîrokî bi teknîkeke monolog daye axaftin. Di ya duyem de helbestvanên kurd ên serdema klasîk li gorî mantiq û honandineke şanoyî daye axaftin. Di herdu bergan de nêzîkî şeş hezar beyt hene. (FD)
