Dersdêrê wêjeyê Hamza Kaan(Bîlge Aksû) ji ber ku di Ozgur Polîtîkayê de nivîsên têkildarî çand û hunerê nivîsandibû, di çarçoveya lêpirsîna Eskîşehîrê de bi îdiaya ku “endamê rêxistinê ye” hatibû girtin. Kaan duh derket pêşberî dadwer.
Kaan ji girtîgeha ku lê tê girtin bi rêya Sîstema Deng û Dîmenî (SEGBÎS) beşdarî danişîna li 14emîn Dadgeha Cezayê Giran a Stenbolê bû. Parêzerê wî Emrah Baran li salona dadgehê amade bû.
Aksu, di parastina xwe de got ku 11 sal in dersdêriya wêjeyê dike, nivîsên wî piranî li ser wêjeyê ne, ji ber pirsgirêkên madî bi bedela pereyan ji rojnameya Yenî Ozgur Polîtîkayê re dinivîse, li ser fîlm û nivîskarên xelat wergirtin nivîsan dinivîse, hevpeyvînan dike û û parvekirinên wî yên li ser medyaya dijîtal hatine berevajîkirin.
Piştî parastina Aksu û parêzerên wî, dozger xwest rewşa girtî ya Aksu bidome. Dadgehê, bi şertê qedexeya derketina derve û kontrola edlî biryara tehliyeyê da. Danişîna dozê taloqî 7ê Cotmehê hate kirin.
Çi bûbû?
Di çarçoveya lêpirsîna ku ji aliyê Serdozgeriya Komarî ya Eskîşehîrê ve hatiye destpêkirin de, polîsan di 26ê Mijdarê de li Stenbol, Amed, Enqere û Êlihê bi ser malên rojnameger, nivîskar, helbestvan û karîkaturîstan de girtin û 8 kes desteserkirin. Di nav kesên ku hatibûn desteserkirin de nûçegihana bianetê Tugçe Yilmaz jî hebû.
Di nav kesên ku hatibûn desteserkirin de Mehmet Uçar û Hamza Kaan jî hebûn, ku hatin girtin.
(HA/AY)
