Wezareta Parastina Neteweyî (MSB) ragihand ku duh (6ê Tîrmehê) di dema operasyoneke lêgerîn û şopandinê de li şikeftekê li herêma "Operasyona Pençe-Kilîlê" ya Hikûmeta Herêma Kurdistana Iraqê (IKBY) 19 leşker rastî gaza metanê hatine.
Di daxuyaniyek nivîskî ya ku ji hêla wezaretê ve hatiye dayîn de, hat bibîrxistin ku serbaz Nûrî Melih Bozkurt di 28ê Gulana 2022an de di dema operasyona lêgerîn û paqijkirinê de li herêma Operasyona Pençe-Kilîlê di encama gulebarana PKKyîyan de jiyana xwe ji dest da û ji wê rojê ve cenazeyê Bozkurt nehatiye dîtin.
Wezareta Parastina Neteweyî diyar kir ku xebatên lêgerîna cenazeyê Bozkurt berdewam dikin û leşkerên ku duh beşdarî operasyona lêgerîn û şopandinê yên li şikeftekê li ser girêkî bi bilindahiya 852 metreyan bûn, ji hêla gaza metanê ve bandor bûne.
Wezaretê duh di saet 17:18an de li ser platforma medyaya civakî Xê ev tişt parve kir:
"Di xebatên lêgerînê de, hemû deverên ku dibe cenaze lê be, ji aliyê tîmên ku bi taybetî hatine avakirin ve bi hûrgilî lêgerin tên kirin.
Di çarçoveya çalakiyên lêgerînê yên berdewam de; di 6ê Tîrmeha 2025an de, di dema çalakiya lêgerîn de li şikefteke li ser girê bi bilindahiya 852 rakim ku li herêma Operasyona Pence-Kîlîd e, berê wekî nexweşxane dihat bikaranîn û hatibû paqijkirin, 19 personelên me rastî gaza metanê hatin û demildest ji bo nexweşxaneyê hatin veguhestin; lê tevî hemû midaxeleyan jî pênc personelên me yên qehreman şehîd ketin."
Hejmara miriyan derket 12an
Wezaretê îro di saet 07:42an de di peyama xwe ya duyemîn de ragihand ku sê leşkerên din ên ji ber gaza metanê bandor bûne jiyana xwe ji dest dane, bi vî awayî hejmara giştî ya mirinan gihîştiye 8an.
Daxuyaniyek din a ku di saet 11:02an de hat dayîn nîşan da ku hejmara leşkerên ku jiyana xwe ji dest dane gihîştiye 12an.
Leşkerên ku jiyana xwe ji dest dane ev in:
Üsteğmen Ege Akar, Astsubay Kıdemli Çavuş Abdurrahman Akdoğan, Piyade Sözleşmeli Er Özkan Özkanlı, Piyade Sözleşmeli Er Mahsun Yeşildemir, Piyade Sözleşmeli Er Ahmet Kuşak, Uzman Çavuş Ümit Üzüm, Piyade Sözleşmeli Er Celattin Uyanık ve Piyade Sözleşmeli Er Ahmet Gültekin, Piyade Teğmen Furkan Sert, Astsubay Kıdemli Çavuş Fikret Mangura, Uzman Çavuş Enver Yaman, Uzman Çavuş Kani Obi.
(VC/AY)
