“Min hingî xwe diceriband ku li klîbê temaşe bikim, min nedikarî û digirt”

Ji bo nûçeya tirkî bitikîne 

Turkan Elçîyê helbestek li ser Tahir Elçîyî nivîsîye û Hîvronî helbest kiriye stran. Kom mûzîkê klîba stranê weşandiye. Me pirsa klîbê ji Turkan Elçîyê kir.

Turkan Elçîyê diyar kir ku cara yekem e wê helbesteka bi zimanê kurdî nivîsîye. Li ser klîbê got:

“Min hingî xwe diceriband ku li klîbê temaşe bikim, min nedikarî û digirt. Piştî demekê ceribandinên min li min bû ezîyet. Dîmen bîran tîne bîra mirovan. Piştî gelek ceribandinan min karî li klîbê temaşe bikim. Lê hê jî nikarim di carekê de lê temaşe bikim.

“Helbesta min a yekem a kurdî ye. Min ji Neşetî [Neşet Girasun] re rêkir û min gotê ka çawa ye?

“Wî got gelek baş e dikare bibe gotinên steranekê. Wî nîşanî Hîvronî kiriye.”

Jaro

Helbesta Turkan Elçîyê ev e:

“Jaro Memo Mem yar e
Cudî buhar e
Can li ser teneşîrê sar e
Bi çûndina te her roj mijdar e
Gelo çima
Bajar di xewa kûr de xewar e
Jaro
Jiyan her tim li me bêsihar e
Memo Mem yar e
Cûdî payîz e
Payîz zer e
Bi çûndina te hinara rengîn
Erd û ezman jar e
Emir li me yek car e
Mixabin nabe dubar e
Memo Mem yar e
Kolan tarî û kevnar e
Şev tarî, bi dizî were
Te digot can li ser tenaşîrê sar e
Rih sar e

Can sar e
Ezbenî rabe sir û seqem e
Îsal ferman li me zor kîndar e.”

(MB)