Mîlîtanên olperest bi dar û beran êrişî avahiya LeManê kirin

Mîlîtanên olî bi kevir û daran êrîşî avahiya kovara mîzahê LeManê ku li Beyoglûya Stenbolê ye, kirin.

Serdozgeriya Komarî ya Stenbolê ji ber ku di Kovara LeManê de cih dane karîkatorên pêxember Mûsa û Muhammed û bi wan rexne li şerê Îran-Îsraîlê girtiye, bi tohmeta ku “nirxên olî bi aşkereyî piçûk xistiye” lêpirsîn da dest pê kirin. Piştî ku nûçeyên lêpirsîn hatin weşandin, mîlîtanên olperest bi ber û daran êrîşî avahiya kovarê kirin.

Ajansa Anadoluyê jî hedef nîşan da

"Cudahîxwaziya Xetê/Ayrımcılık Hattı" ya Ajansa Anadoluyê jî nûçeya xwe ya li ser karîkaturê wekî "mînakek cudakariyê" eşkere kir û di sernavê nûçeyê xwe de gotina "Di kovara LeManê de karîkatura li dijî Misilman" bikaranî.

Wezîrê Dadê Tunç: "Bêrêziya li dijî baweriyên me qet nayê qebûlkirin"

Ajansa Anadoluyê daxuyaniya Wezîrê Dadê Yilmaz Tunç a li ser hesabê Xê wiha pêşkêş kir: "Serdozgeriya Komarî ya Stenbolê têkildarî xêzkirina karîkaturê pêxemberê me ku ji aliyê kovarek mîzahê de li gorî Xala 216an a Qanûna Cezayên Tirkan bi tohmeta ku “nirxên olî bi aşkereyî piçûk xistiye” lêpirsîna edlî hatiye dest pê kirin.

Êrîş

Piştî weşanên nûçeyan, bi bangên hesabên olperestan gelek mîlîtan li ber avahiya kovara LeManê kombûn û bi tekbîran bi dar û beran êrişî avahiya ku li Beyoglûyê ye kirin.

Di dîmenên ku li ser medyaya civakî belav bûne de tê xûyakirin ku kevir li avahiyê tên reşandin, pencereyên avahiyê tên şikandin û deriyê wê bi zorê tê vekirin.

Rojnamevan Eylul Denizê li ser Xê parve kiriye ku êrişkaran li Kolana Mîsa Taksîmê êrişî kesên li kafe û barên derdorê rûniştine jî kirin e.

Ji bo 4 kesan biryara desteserkirinê hat dayîn

İstiklal Caddesi'nde toplanan gerici güruh "Yaşasın Şeriat" sloganıyla LeMan dergisine taşlı, sopalı saldırıda bulundu.

📸 Eylül Deniz pic.twitter.com/tmUHEbnJRu

— Yeni Demokrasi Gazetesi (@yeni_demokrasi3) June 30, 2025

Di demek kurt de piştî daxuyaniya Wezîr Tunç, hate hînbûn ku ji bo 2 derhênerên weşana giştî a Kovara LeManê, rêvebirê karên nivîsan de biryara desteserkirinê hatiye dayîn.

Wezîrê Navxweyî Yerlikaya jî daxuyaniyek da û berhema karîkaturîstê LeManê weke "xêzkirina nemerd" bi nav kir û dîmenên lêdan û kelemçekirina karîkaturîst ji aliyê polîsan ve parve kir.

❝Bu alçak çizimi yapan D.P. adlı şahıs yakalanarak gözaltına alınmıştır❞

İçişleri Bakanı Ali Yerlikaya, mizah dergisinde Hazreti Muhammed’in karikatürünü çizen kişinin gözaltına alındığını açıkladı ⤵️

— Peygamber Efendimizin (S.A.V) karikatürünü yaparak nifak tohumları ekmeye… pic.twitter.com/klSQixJdz4

— Anadolu Ajansı (@anadoluajansi) June 30, 2025

(AEK/AY)