Meşa Edaletê di 20emîn roja xwe de berdewam dike

Serokê Giştî yê CHPyê Kiliçdaroglûyî got: “Ji ber biryara ku Lijneya Hilbijartinê ya Bilind (YSK) standiye nerewatiya referandûmê derket holê. Me daxwaznameya xwe amade kir, em ê serî li Dadgeha Mafên Mirovan a Ewropayê (DMME) bidin”.

Stenbol

Meşa Edaletê di 20emîn roja xwe de berdewam dike

Ji bo nûçeya Tirkî / İngilîzî bitikîne

Meşa Edalatê ya ku Partiya Gel a Komarî (CHP) ji Enqereyê ber bi Stenbolê ve destpê kiriye di roja 20emîn de berdewam dike.

Meş ji herêma Arasta Park a bajarê Kocaeliyê destpê kir.

Serokê Giştî yê CHPyê Kemal Kiliçdaroglûyî beriya meşê axivî û ew daxwazname li pêş çavên rojnamegeran îmze kir ku ji ber biryara pisûlayên dengan a YSKyê wê bişînin DMMEyê.

“Di vê referandûmê de mixabin ji ber biryara Lijneya Hilbijartinê ya Bilind nerewatiya referandûmê derket holê. Me daxwaznameya xwe amade kir. Em ê serî li Dadgeha Mafên Mirovan a Ewropayê bidin û îmzeya pêşîn ez li vir diavêjim. Bila li ser xêrê be. Îro wê daxwazname bênşandin.”

Çi bûbû?

Di 14ê Hezîranê de Dadgeha Stenbolê biryara girtina parlamentê Partiya Komarê ya Gelî(CHP) Enîs Berberoglûyî da.

Berberoglû ji ber nivîsîna nûçeya li ser TIRên MIT(Rêxistina Îstixbarata Neteweyî) hatibû sûcdarkirin. Dema MITê tejî TIRekê çekên giran ji bo Sûriyeyê dibir rêya TIRê hatibû girtin û rojnameya Cumhuriyetê li ser bûyerê nûçeyek çêkiribû.

Serokê Partiya Komarî ya Gelî(CHP) Kemal Kiliçdaroglû û desteya digel wî di 15ê Hezîranê de ji Parka Gûvenê ya Enqereyê ber bi Stenbolê ve dest bi meşê kir. Meşa wî dê 23 rojan dom bike û armanca wî ew e ku heta Girtîgeha Maltepeyê bimeşe. Kiliçdaroglûyî meşa xwe wek "Meşa Edaletê" bi nav kir.

Parlamentê Partiya Komarî ya Gelî(CHP) Enîs Berberoglû di Girtîgeha Maltepeyê de dimîne.