Ji bo nûçeya Tirkî / İngilîzî bitikîne

Li gor nûçeyên bianetê ji rojnameyên herêmî û neteweyî, ji malper û ajansan berhev kirîn, mêran di meha Tîrmehê de 20 jin, keçeka zarok, bebikek û pênç mêrên navbeynkarî kirîn kuştine. Mêran, destdirêjî li 25 jinan û 23 keçên zarok kiriye, 53 jin birîndar kirine.

Di şeş mehên destpêka sala 2017ê de mêran ya kêm 170 jin û zarokên keç kuştine, tecawiz li 50 jinan kiriye, destdirêjî li 126 jinan kiriye, îstismara zayendî li 215 zarokên keç kiriye, tûndkarî li 237 jinan kiriye.

Di mehên havînê de li şûna dibistanan destdirêjî li qursên hînkirina Quranê hat kirin. Ji sedî 43yê keçên destdirêjî lê hatî kirin melayan li qursên hînkirina Quranê destdirêjî li wan kiriye.

Civakê hewil da çar kesên destdirêjî kirîn yên ne welatiyên Tirkiyeyê lînc bike lê ji 18 welatiyên Tirkiyeyê yên destdirêjî kirî bi tenê du kes hatin girtin.

Di meha Tîrmehê de bûyerên xwe-parastinê zêde bûn. Çar jinan mêrên tûndkarî li wan kirîn kuştine. Birayê jinekê mêrê tûndkarî li xuşka wî dikir kuştiye.

Kuştin

Mêran di meha Tîrmehê de 20 jin, keçeka zarok, bebikek û pênç mêrên navbeynkarî kirîn kuştine.

Sê jinên hatîn kuştin penaber bûne.(Yek ji Sûriyeyê, yek ji Fasê û yek ji Ûkraynayê)

Ji sedî 55ê jinan bi kêran û tiştên birrek hatine kuştin.

Mêrekê kevirek li serê jinekê da û ew kuşt, neh jin bi kêran hatine kuştin, gewriya jinekê bi tiştekê birrek hatiye birrîn, pênc jin bi demanceyan hatine kuştin, du jin bi tifengan hatine kuştin. Di nûçeya kuştina jinekê de nehatiye eşkerekirin ka ew çawa hatiye kuştin.

Ji sedî 65ê jinên hatîn kuştin partnerên wan an jî partnerên wan ên berê ew kuştine.

Mêrên xizmên du jinan ew kuştine, birayê jinekê ew kuştiye, bavê jinekê ew kuştiye, mêrê berê yê du jinan ew kuştine, dildarên du jinan ew kuştine, nasê jinekê ew kuştiye, nasê mêrê du jinan ew kuştine.

Ji sedî 30ê jinên hatîn kuştin li bazar, kolan û cihên civakî hatine kuştin.

Ji 5ê yekê jinên hatîn kuştin ji ber ku xwestine ji mêrê xwe cida bibin an jî nexwestine bi wan re li hev bên hatine kuştin. Dêya jinekê xwest ji mêrê xwe cida bibe, ew û dêya xwe bi hev re hatin kuştin.

Ji bo qatilekê jinek kuştî dozgeriyê biryara dûrxistina wî dabû.

Yek ji qatilên jinan ji girtîgehê bi destûrê derketiye û jina xwe kuştiye. Yek ji qatilên jinan berê tecawiz li jineka kêmendam kiriye hatiye girtin û di demekê kurt de derketiye.

Du qatilên jinan piştî kuştina jinan xwe kuştine.

Bajarên lê jin hatine kuştin: Edene (3), Agirî (1), Dîlok (1), Çorum (1), Hatay (1), Stenbol (2), Izmîr (1), Kayseri (1), Konya (1), Kütahya (1), Manisa (2), Mêrsîn (1), Sakarya (1), Tokat (1), Urfa (2).

Tecawiz

Li gor nûçeyên hatîn nivîsîn di meha Tîrmehê de, pênc bûyerên tecawizê pêk hatine. du ji tecawizkaran destgirtiyên jinan û yek jî serkarê wan bûye.

Du bûyerên tecawizê di tirimbêlan de û bûyerek jî li navenda delalîyê hatiye kirin.

Çar tecawizkar hatine kuştin, ji bo tecawizkarekê di nûçeya bûyerê de agahî nehatiye dayin.

Bajarên bûyerên tecawizê lê pêk hatîn: Denizli (1), Kocaeli (1), Manisa (1), Muğla (1), Samsun (1).

Karkerîya Seksê

Di meha tîrmehê de ya kêm 15 jinan bi zora mêran karê seksê kiriye.

Ji 15 jinên karkerîya seksê kirîn ne welatiyên Tirkiyeyê bûne. Heft mêrên bi zorê karkerîya seksê li jinan dayî kirin hatine girtin û 14 mêr hatine desteserkirin. 

Destdirêjî

Di meha Tîrmehê de 25 nûçeyên destdirêjiyê di medyayê de belav bûn.

Sedî 12yên jinan bi hinceta cil û bergên xwe rastî destdirêjiyê hatin.

Sedî 68ê bûyerên destdirêjiyê li ciyên weke hotel, nêzîkî şevîmanên xwendekaran, park, plaj, kolanê pêk hatin ku hemû jî qadên civakî ne.

Ji 18 kesên ku destdirêjî kirine tenê 2 kes hatin girtin. 2 kesên ku destdirêjî kirine û ne hemwelatiyê Tirkiyeyê bûne, rastî hewldana lîncê ya derdorê bûne.

Xizmê jinekê destdirêjî lê kiriye, karmendekî ewlekariyê dest dirêjî li jinekê kiriye, cîranê jinekê destdirêjî lê kiriye. Mêrekî ku bi jinê re li heman taxê rûdinên destdirêjî lê kiriye. 4 jê rastî destdirêjiya xebatkarên hotelê, yek jê rastî ya xwediyê hotelekê, yek jê rastî ya kesekî ku karên tamîrê dike, 2 jê rastî ya kesên ku îdia dikin bi pifkirinê nexweşiyan derman dikin, 14 jin jî rastî destdirêjiya mêrên ku wan nasnakin û di kolanê de derbas dibin hatine.

Sedî 64ê jinan rastî destdirêjiya bedenî hatine, 4 jin jî rastî ya devkî. Du jin rastî pêşanderiyê, yek jê rastî raçavkirinê hatin. Bêyî ku destûra wan bistînin dîmenê du jinan hatin tomarkirin.

Bûyerên destdirêjiyê li van bajaran pêk hatiye:  Antalya (3), Balıkesir (1), Düzce (1), Edirne (1), İstanbul (4), İzmir (1), Kocaeli (1), Konya (1), Manisa (1), Mersin (4), Muğla (1), Samsun (5), Trabzon (1).

Istismara zarokan

Di meha Tîrmehê de 23 keçên zarok rastî istismara zayendî ya mêran hatiye.

Piştî ku dibistan ketine betlaneyê bûyerên istismara zayendî li wanegehên quranê pêk hatine. Sedî 43yê zarokên keç rastî istismara melayên wanegehên quranê bûne. Hat diyarkirin ku melayekê ji derveyî erka xwe wanegeh vekiriye.

Sedî 13 yên zarokên keç ên ku rastî istismarê hatine, kêmendambûne.

Keçeke zarok piştî istismarê ducanî bûye.

4 bûyerên istismarê di wê encamê de derket holê ku zarokan ji malbatên xwe re behsa bûyeran kiriye. Yek ji wan jî piştî êşa zik a zarokê û rakirina nexweşxaneyê derketiye holê ku keç ducanî bûye.

Ji 13 failan 10 kes hatin girtin, yek ji wan bi şertê kontrola edlî serbest ma. Pêvajoya hiqûqî ya derbarê du kesan de di medyayê de nehat belavkirin.

Bavê zarokeke keç, hevalê bavê zarokeke keç destdirêjî kirine. 10 zarokên keç rastî istismara melayê wanegeha quranê, zarokek keç rastî istismara karmendê berê yê ewlekariyê, zarokek keç rastî istismara mêrekî ku li ser medyaya civakî hev nas kirine, 6 zarokên keç rastî istismara mêrên ku hev nas nakin hatine. Di du bûyeran de nasnameya du failan di medyayê de nehatin nivîsandin.

Bajarên ku bûyerên istismara zaroken pêk hatiye wiha ne: Adana (1), Antalya (2), Aydın (4), Denizli (2), Diyarbakır (5), Edirne (2), Konya (3), Kütahya (1), Manisa (1), Samsun (1), Tekirdağ (1).

Tundkarî û birîndarkirin

Mêran di meha Tîrmehê de tundkarî li hemberî 53 jinan kiriye. Sedî 20ê jinan bi giranî birîndar bû.

Sedî 34ê bûyerên tundkarî û birîndarkirinê li ciyên weke kolan, plaj, otobus, market û nexweşxaneyê yanî li qadên civakî pêk hatiye.

4 jinan mêrên ku tundkarî li wan dikir kuştin, mêrek jî ji hêla birayê keça ku rastî tundkariyê hat hat kuştin.

Sedî 10ê jinan ji ber ku daxwaza aşbûnê yan jî ji ber daxwaza hevberdanê rastî tundkariyê hatine. Jinek jî ji hêla zavayê xwe ve hat birîndarkirin ku keça wê dixwest mêrê xwe berde.

Du jinên ku rastî tundkariyê hatin transt bûn, yek jê jî di temenê zarokiyê de bi darê zorê hatibû zewicandin.

Mêrek piştî ku bimerc ji girtîgehê derket, jina xwe bi giranî birîndar kir.

Di bûyerên ku 53 jin birîndar bibûn de ji 45 failan tenê 6 mêr hatin girtin. Derbarê du kesan de li saziyên fermî ti tiştek nehat kirin û polîsan jinên ku rastî destdirêjiyê hatin sûcdar kirin.

Sedî 45ê jinan rastî tundkariya heval an jî hevalên xwe yên berê hatin.

Xizmê jinekê, bavê jinekê, mêrekî ku bi mehra mela pê re zewiciye li jinekê, birayên du jinan, mêrên kevn ên du jinan, destgirtiyê berê yê jinekê, mêrê kevn ê xwişka jinekê, zavayê jinekê, mêrên 16 jinan, cîranên 7 jinan, mişteriyên du jinan, kurên 3 jinan, ajokarê otobusê yê ku jinek lê siwar hat, mêrekî ku jinekê hevaltiya wî qebûl nekir, destgirtiyê du jinan, nasekî jinekê, mêrên nenas li 5 jinan tundkarî kiriye.

Jinek bi bivir, 15 bi kêran, 22 bi derban, yek bi xijikandina wesayitê, yek bi şuşeya şikestî, du bi demançeyê, 3 jî bi tivingê hatin birîndarkirin. Mêrekî mekanîzmaya bombeya sexte di wesayita jina xwe de bicî kir. Du jin hatin revandin, sê jin rehîn hatin standin. Gef li du jinan hat xwarin û bi ser wan de çûn. (ÇT/MB/FD)