Mafparêz û Baroyan xwestiye ku bila Kavala û Aksaloglû serbest bibin

Ji bo nûçeya tirkî bitikîne

Rêxistinên mafparêz û baroyan daxuyaniyek weşandine û xwestine ku Osman Kavala û Yîgît Aksakoglû serbest bibin. Kavala û Aksakoglû di doza Geziyê de tên dadgehkirin û di girtîgehê de ne.

19 rêxistin û baroyan îmze dane daxuyaniyê. Ev rêxistin û baro ev in: Komîteya Hefteya Rûmetê ya 27ê ya LGBTI+ ya Stenbolê, Baroya Enqereyê, Article 19, Civil Rights Defenders, Komeleya Şopandinê ya ji bo Mafên Yeksan, Baroy Amedê, Komeleya Înîsiyatîfa Mafan, Platforma Maf û Edaletê, Navenda Rastî, Edalet û Bîrê, Komeleya Mafên Mirovan, Baroya Îzmîrê, Komeleya Kaos GLyê, Komeleya Xebatên Medya û Hiqûqê, Komeleya Welatîbûnê, Rojnamegerên Sînornenas, Polîtîkayên Civakî, Komeleya Xebatên Li Ser Nasnameya Zayendî û Meylên Zayendî, Platforma Rojnamegeriya Serbixwe P24, Rêxistina Efûyê ya Navnetewî.

Dadgehê 4ê Adarê îdianame qebûl kiribû. Dozgerî ji bo 16 kesan bi îdiaya ku berxwedana Geziyê ya 2013ê “bi rê ve birine”, “xwestine hikûmetê ji nav bibin an jî nehiştine wezîfeya xwe bike” ceza xwestibû.

“Her du jî ji azadiya xwe mehrûm tên hiştin”

Daxuyaniya hevbeş a rêxistinan wiha ye:

“Osman Kavala zêdetirî 16 mehan e ku li Girtîgeha Sîlîvriyê bi awayekî kêfî tê girtin û nêzîkî çar mehan e ku Yîgît Aksakoglû li heman girtîgehê girtî ye. Ev rewşa wan a girtîbûnê bi xwe bûye cezayek.

“Her du jî hîn ji azadiya xwe mehrûm in û hûn nikarin vê rewşê li gorî standart û hiqûqa mafên mirovan a navnetewî rave bikin.

“Ev mafparêz ji hêla civakê ve jî tên naskirin û hûn nikarin bi daxuyaniyeke mentiqî vê rewşa wan a girtîtiyê rave bikin.

“Divê fişara zêde a li ser civaka sivîl bi dawî bibe û divê sîstemeke nû ya li gorî girebestên mafên mirovan bê sazkirin ku Tirkiye jî yek ji aliyên van girêbestan e.”

Çi bûbû?

16ê Çiriya Paşiyê (Sermawez, Mijdar) ya 2018ê polîsan operasyon li dar xistibû û Porf. Dr. Betul Tanbay û Prof. Dr. Tûrgût Tarhanli, Wekîlê Serokê Lijneya Rêveberiya Anadolû Kulturê Yîgît Ekmekçî, endamên Lijneya Rêveberiyê Alî Hakan Altay, Koordînatorê Giştî Asena Gunal û produktor Çîgdem Mater û Meltem Aslan, xebatkarên rêxistinên civaka sivîl Yîgît Aksakoglû, Fîlîz Telek, Bora Sari, Yûsûf Civir, Ayşegul Guzel û Hande Ozhabeş hatibûn desteserkirin.

Bixwîne - Dozgeran ji bo Osman Kavala û 15 mafparêzan muebeda zehmetkirî xwest

16ê Çiriya Paşiyê piştî îfadegirtina wan Hande Ozhabeş, Prof. Dr. Tûrgût Tarhanli, Asena Gunal u Bora Sari û Meltem Aslan, 17ê Çiriya Paşiyê jî Prof. Dr. Betul Tanbay, Yîgît Ekmekçî, Hakan Altinay, Yûsûf Civir, Ayşegul Guzel û Çîgdem Mater hatibûn berdan.

Yîgît Aksakoglû ku li Zanîngeha Bîlgiyê ya Stenbolê xebatên civaka sivîl dikir hatibû girtin.

Osman Kavala Serokê Lijneya Rêveber ê Anadûlû Kulturê ji 1ê Çiriya Paşiyê ya 2017ê û vir ve bêyî ku îdianame ji bo wî bê amadekirin girtî ye.

Dozgerî ji îfadeyê bang li Atalay, Kahraman, Yapici, Saymadi, Agabeyoglû kiribû

Di çarçoveya lêpirsîna Geziyê ya ku Serdozgeriya Komarî ya Stenbolê dimeşîne, rêveberên Şaxa Buyukketa Stenbolê ya Odeya Mîmaran û ji Piştevaniya Taksîme Mucela Yapici û parêzer Can Atalay, plankarê bajarvaniyê Tayfûn Kahraman, endamê Meclîsa Partiyê ya Partiya Ji nû ve avakirinê ya Sosyalîstan (SYKP) Ahmet Saymadî û Halûk Agabeyoglû, 28 û 30ê Çiriya Paşiyê ya 2018ê li Miduriyeta Emniyetê ya Stenbolê îfade dabûn. 

Îdianameyeka 657 rûpelî 20 Sibatê hatibû amadekirin. 30em Dadgeha Cezayê Giran a Stenbolê 4ê Adara 2019ê ev îdianame qebûl kiribu. Di îdianameyê de li gel Can Dundar û Mehmet Alî Alabora kesên din ên ku tên tohmet kirin ev in:

Endamê Lijneya Rêveber a Anadolu Kultur A. Ş.yê Ali Hakan Altinay, Mîmar Mucella Yapici, lîstikvan Ayşe Pinar Alabora, sînemager û rojnameger Çîgdem Mater Ûtkû, Nûnera Tirkiyeyê ya Weqfa Civaka Vekirî Gokçe Yilmaz, nivîskar Handan Meltem Arikan, Koordînatora Navenda Pêşxistina Civaka Sivîl Hanzade Hîkmet Germiyanoglû, Înanç Ekmekçî, alîkarê derhênerî/ê, sînemager û reklamsaz Mîne Ozerden, parêzer Can Atalay, Serokê Lijneya Rêveberiya Şaxê Stenbolê yê Odeya Plansaziya Bajaran ê TMMOBê û endamê Lijneya Rêveber ê heman saziyê, akademisyen Tayfûn Kahraman, Wekîlê Serokê Lijneya Rêveber ê Anadolu Kultur A. Ş. yê û Endamê Lijneya Rêveber ê Dibistanên Weqfa Terakkiyê Yîgît Alî Ekmekçî.

Lijneya Wezîran a 61ê bûye dozdar

Di îdianameyê de Lijneya Wezîran a 61ê weke dozdar hatiye nîşandan. Kesên di wê Lijneyê de cih digirtin ev bûn:

Serokwezîrê demê Recep Tayyîp Erdogan, alîkarê serokwezîrî Bulent Ariç, Alî Babacan, Beşîr Atalay, Bekîr Bozdag û Emrûllah Îşler, Wezîrê Behrvanî, Ragihandin û Veguhastinê Bînalî Yildirim, Wezîra Malbat û Polîtîkayên Civakî Fatma Şahîn, Wezîrê Yekîtiya Ewropayê Egemen Bagiş, Wezîrê Zanyarî Pîşeyî û Teknolojiyê Nîhat Ergun, Wezîrê Kar û Ewlehiya Civakî Farûk Çelîk, Wezîrê Jîngeh û Bajarvaniyê Erdogan Bayraktar, Wezîrê Karên Derve Ahmet Davûtoglû, Wezîrê Enerjî û Çavkaniyên Siruştî Taner Yildiz, Wezîrê Ciwanan û Sporê Sûat Kiliç, Wezîrê Çandinî, Xida û Ajalvaniyê Mehdî Eker, Wezîrê Bazirganî û Gumrukê Hayatî Yazici, Wezîrê Navxweyî Mûammer Guler, Wezîrê Geşepedanê Cevdet Yilmaz, Wezîrê Çand û Hunerê Omer Çelîk, Wezîrê Darayî Mehmet Şîmşek, Wezîrê Perwerdeya Milî Nabî Avci, Wezîrê Berevaniya Milî Îsmet Yilmaz, Wezîrê Daristanan û Avê Veysel Eroglû, Wezîrê Tenduristiyê Mehmet Muezzînoglû, Wezîrê Ekonomiyê Zafer Çaglayan û Wezîrê Dadê Sadûllah Ergîn.

746 kesan giliyên 16 kesan kiriye

Di îdianameyê de navê 746 kesan weke kesên giliyê 16 kesan kirine, hatiye nivîsandin.

Dîsa tohmetên derbarê 16 kesan de wiha hatiye nivîsandin:

“Xwestine Hikûmeta Komara Tirkiyeyê ji navê bibin û pêşî li wezîfekirina wan girtine, zerar û ziyan dane mal û milkan, bi awayekî xurt zerar û ziyan dane mal û milkan, madeyên bixeter li cem xwe girtine û dane hin kesên din, zerar û ziyan dane perestgehan û goristanan, muxalefeta li dijî yasaya hejmar 6136ê, bi awayekî xurt talankirin, bi awayekî xurt birîndarkirin û muxalefeta li dijî yasaya hejmar 2863yê. (AS/FD)