Li Yalovayê li dijî DAIŞê operasyon: Heft polîs birîndar bûn

Operasyon didome û RTUKê têkildarî bûyerê bi awayekî demkî biryara qedexeya weşanê da.

Navenda Nûçeyan a BIAyê

Tîmên Rêvebiriya Emniyetê a Bajarê Yalovayê li malekê li ser rêya gundê Elmalika ku serbi navenda bajêr e, li dijî DAIŞê operasyonek pêk anîn.

Li gorî nûçeya Ajansa Anadoluyê, di dema operasyonê de şer qewimiye û di encamê de 7 polîs birîndar bûne.

Operasyona ku ji aliyê polîsên hêzên taybet ên ji Bursayê ve tê piştgirîkirin, bi tedbîrên ewlehiyê yên derdorê berdewam dike.

Her weha hat hînbûn ku tenduristiya polîsên birîndar baş e.

Lijneya Bilind a Radyo û Televîzyonan (RTUK) derbarê operasyona li dijî DAIŞê a li Yalovayê de qedexeya weşanê ya demkî ragihand.

(VC/AY)

Cihê Nûçeyê

Stenbol

Hak odaklı, çok sesli, bağımsız gazeteciliği güçlendirmek için bianet desteğinizi bekliyor.