Wezareta Tenduristiyê ya Filistînê ya li Xezeyê, encamên êrîşên Îsraîlê yên dawî aşkere kirin. Êrişên Îsraîlê 717 roj in didomin.
Li gorî daxuyaniya nivîskî a Wezareta Tenduristiyê ya Filistînê ya li Xezeyê, hejmara miriyan di 24 saetên dawî de 61 kes zêde bûye û gihîştiye 65 hezar û 344 kesan.
Hat destnîşankirin ku ji agirbesta ku artêşa Îsraîlê di 19ê Kanûna Paşiyê de îmze kir û di 18ê Adarê de betal kir, heta niha 12 hezar û 785 filistînî mirine û 54 hezar û 754 kes jî birîndar bûne.
Ji ber birçîbûnê 4 kesên din mirin
Di nava 24 saetên dawî de 4 kesên din ji birçîbûnê mirin e. Ji 7ê Cotmehê û vir ve 440 kes ji birçîbûnê mirine ku 147 ji wan zarok in.
Di êrişên Îsraîlê yên ji 7ê Cotmeha 2023an ve li ser Xezeyê de heta niha 65 hezar û 344 kes mirine û 166 hezar û 795 kes jî birîndar bûne.
Wezaretê destnîşan kir ku hê li bin xirbeyan û li ber rêyan gelek mirî hene, lê ji ber hêzên ewlehiyê yên îsraîlî nahêlin, tîmên tenduristiyê û yên parastina sivîlan, nikarin xwe bigihînin cenazeyan.
(VC/AY)
