Wezareta Tenduristiyê ya Filistînê ya li Xezeyê, encamên êrîşên Îsraîlê yên dawî aşkere kirin.
Di encama êrîşên artêşa Îsraîlê de ên ji 7ê Çiriya Pêşiyê vir ve li ser hev 60 hezar û 34 kes mirin û 145 hezar û 870 kes jî birîndar bûn.
Hat destnîşankirin ku artêşa Îsraîlê agirbesta ku di 19ê Kanûna Paşiyê de îmze kiribû, di 18ê Adarê de betal kir û ji wê rojê ve 8 hezar û 867 filistînî mirine û 33 hezar û 829 kes jî birîndar bûne.
Li Xezeyê di 19 mehan de 16 hezar û 506 zarok hatin kuştin
Her weha li gorî daxuyaniya wezaretê a nivîskî, Artêşa Îsraîlê di 24 saetên dawî de li Xezeyê li hin herêman qetlîam pêkanîne. Di encama van êrişan de 113 filistînî mirin û 637 kes jî birîndar bûn.
Wezaretê destnîşan kir ku hê li bin xirbeyan û li ber rêyan gelek mirî hene, lê ji ber hêzên ewlehiyê yên îsraîlî nahêlin, tîmên tenduristiyê û yên parastina sivîlan, nikarin xwe bigihînin cenazeyan.
Her weha li gorî daxuyaniya Cemiyeta Dîlgirtiyên Filistînê li Şerîeya Rojava û Qudisê herî kêm 30 filistînî hatine desteserkirin.
IFJ: Di sala 2024an de 104 rojnameger hatin kuştin
(AY)
