Li Xezeyê heta niha 50 hezar û 375 kes mirine
Di êrişên Îsraîlê yên li dijî Xezeyê de heta niha 50 hezar û 375 kes mirine.
Îsraîlê peymana agirbestê ya bi Hamasê re betal kir û di 18ê Adarê de li dijî Xezeyê êrişên berfireh da destpêkirin. Êrişên Îsraîlê yên li dijî Xezeyê berdewam in.
Wezareta Tenduristiyê ya Xezeyê têkildarî rewşa dawî agahî parve kir. Wezaretê, ragihand ku ji 18ê Adarê heta niha hezar û yek Filistînî di êrişên Îsraîlê de hatine qetilkirin û 2 hezar û 359 kes jî birîndar bûne.
Hat ragihandin ku di 48 saetên dawî de 80 kes di êrişan de hatin qetilkirin û 305 kes jî birîndar bûn.
Bi hejmaran encama şerê ku saleke li Xezeyê didome
Diyar bûye ku di roja destpêkê a Cejna Remezanê de 53 Filistîniyan di êrişên Îsraîlê de mirin û 189 kes jî birîndar bûn.
Wezaretê, ragihand ku ji 7ê Cotmeha 2023’yan heta niha hejmara kesên di êrişên Îsraîlê de hatine qetilkirin derket 50 hezar û 357 kesan û hejmara birîndaran jî derket 114 hezar û 400 kesan.
Wezaretê destnîşan kir ku hê li bin xirbeyan û li ber rêyan gelek mirî hene, lê ji ber hêzên ewlehiyê yên îsraîlî nahêlin, tîmên tenduristiyê û yên parastina sivîlan, nikarin xwe bigihînin cenazeyan.
(AY)
