Di êrîşên artêşa Îsraîlê yên ku ji sibeha roja Şemiya 7ê Çiriya Pêşiyê ve li ser Xezeyê pêk anîn de 8 rojnameger mirin.
Li gorî nûçeya AAyê, Buroya Çapemeniyê ya Hikûmetê ya li Xezeyê deebarê êrîşên Îsraîlê da daxuyaniyeke nivîskî da.
Di daxuyaniyê de hat destnîşankirin ku di êrîşan de 8 rojnameger mirine, 10 rojnameger birîndar bûne û 2 rojnameger jî winda bûne.
Navê rojnamegerên ku mirin wiha ne: Saîd El-Tavil, Muhammed Subh, Hîşam en-Nevacihe, Îbrahîm Lafî, Muhammed Cergun, Muhammed es-Salihi, Esad Şemlah û Selame Mime.
Di daxuyaniyê de hat diyarkirin ku agahî ji rojnameger Nîdal El Wehîdî û Heysem Ebdulvahîd nayê girtin.
Ofîsa Çapemeniyê ragihand ku di êrîşên artêşa Îsraîlê de malên 3 rojnamegeran bi temamî hilweşiyane û 40 saziyên çapemeniyê yên li bajêr jî bûne hedefa êrîşên hewayî.
Çi bûbû?
Baskê leşkerî yê Hamasê Tûgayên Îzzeddîn El-Qassamê di 7ê Çiriya Pêşiyê de li dijî Îsraîlê operasyona bi navê “Tofana Aksayê” dabû destpêkirin.
Tevgerê bi hezaran mûşek û roket ji Xezzeyê avêtibû Îsraîlê û komên çekdar jî ketin nav niştecihên herêmê.
Arteşa İsraile jî bi balefiren şer li dijî Xezeye êriş da destpêkirin. (AS/AY)
