Li Tirkiyeyê hejmara miriyan gihîştiye 908an
Duh li Tirkiyeyê ji ber Covid-19ê 96 kesên din mirine. Li gorî vê encamê hejmara miriyan gihîştiye 908an. 4 hezar û 56 kesên din bi vê nexweşiyê ketine.
Fotograf: AA
Ji bo nûçeya tirkî / ingilîzî bitikîne
Wezareta Tenduristiyê daneyên nû yên derbarê koronavirusê ango Covid-19ê de li ser malpera xwe ya fermî aşkere kirine.
Li gorî vê daxuyaniyê duh 4 hezar û 56 kesên din bi vê nexweşiyê ketine. Her weha 96 kes mirine û 296 kes jî ji nexweşiyê filitîne.
Hejmara testên k udi 24 saetan de hatine kirin 28 hezar û 578 e.
Di encama aşkerekirina van daneyan de li Tirkiyeyê heta niha 276 hezar û 338 test hatine kirin. Heta niha 42 hezar û 282 kes bi vê nexweşiyê ketine. Li ser hev 908 kes jî mirine.
Dermankirina hezar û 552 kesan li beşên nexweşiya taybet didomin. Hezar û 17 nexweş entube ne û 2 hezar û 142 nexweş jî ji vê nexweşiyê filitîne. (EKN/FD)