Piştî ku DİSK, KESK, TMMOB û TTBê ragihandin ku pîrozbahiyên 1ê Gulanê wê li Kadikoy a Stenbolê bên lidarxistin, gelek rêxistinan rexne li wan girtin. Rêxistinan ji bo ku 1ê Gulanê li Taksîmê bê pîrozkirin, bang kiribûn.
Di çarçoveya lêpirsînên ku ji aliyê Serdozgeriya Komarê ya Stenbolê ve hatine destpêkirin de sê operasyonên cuda hatin lidarxistin. Di daxuyaniya Serdozgeriya Komarî de hat ragihandin ku ji bo 108 kesan biryara desteserkirinê hatiye dayîn. Polîsan serê sibê bi ser malan de girtin û 92 kes desteser kirin.
Di nav kesên hatin desteserkirin de Hevserokê BEKSAVê Ahmet Uçar, Gerînendeya Weşana Kovara Onsozê Songul Yucel, Nûnerê Platforma Yekitiya Têkoşînê Muhammed Hizmetçi, endamê MYKê yê ESP'ê Alî Haydar Saygili, endamê PMê yê ESPê Huseyîn Îldan, Ayşenûr Demir, ji Kolektîfa Polen Ekolojiyê Cemîl Aksû û hin xebatkarên ETHAyê hene.
Li Enqere û Eskîşehîrê jî desteserkirin hene
Li Enqere û Eskîşehîrê jî ekîbên polîsan di saetên sibê de bi ser gelek malên xwendekaran de girtin. Derbarê desteserkirina xwendekaran de hîn ti daxuyaniyek fermî nehatiye dayîn.
(Mİ/AY)
