Li Stenbolê bernameya bîranînê ji bo gerîlayên PKKê yên ku can dane pêk hat

Piştî nav û nasnavên gerîlayên PKKyê yên di dîrokên cuda û li deverên cuda can dane aşkere bûn, li Amed, Mêrdîn, Wan û Stenbolê bernameyên bîranînê hatin li dar xistin.

Bi pêşengtiya MEBYA-DERa Amedê de ji bo gerilayên PKKê yên ku di dîrokên cuda de can dane, li li navçeyên Baxcilar û Sancaktepeyê yên Stenbolê bernameya bîranînê hat li dar xistin. Malbatê gerilayan, Dayikên Aştiyê, Hevserokên DBPê, endam û rêveberên partiyên siyasî, nûnerên saziyên civakî û gelek welatî tevlî bernameyê bûn.

Li gorî nûçeya Ajansa Welat di salona bîranînê de li ser maseyan fotografên gerîlayan, Abdulla Ocalan û gul hatin danîn. 

Li salonê pankartên “Em şehîden rûmetê bi bîr tînin”, “Şehîdên me rûmeta me ne”, “Têkoşîna wan rêya me ronî dike” û “Şehîd Namirin” hatin daliqandin.

Di bernameyê de di destpêkê de dayika endamê PKKê Ferrah Guneş û bavê Necmettîn Tarin axivîn.

Piştre Hevserokê Giştî yê DBPê Keskîn Bayindir axivî. Keskîn Bayindir destnîşan kir ku her yek cangoriyan destanek nivîsandiye û wiha got: 

“Bila tu kes xwe tenê nebihîse. Bi milyonan gelê me îro gel hev in. Wekî malbatan jî got şehîd şehîdên Kurdistanê ne. Em li ku bin ev têkoşîna ku bi serokatiya Rêber Apo dimeşe me anîn gel hev. Her şehîd kevirek danîn ser hev û kelehek avakirin. Em şehîdên xwe dispêrin axê lê em dibêjin aştî, dayikên şehîdan dibêjin aştî. Spartina axê ne dawîbûn e, destpêkek e. Em ê ala wan li erdê nexin.”

Çend dîmen bernameya bîranînê ya Stenbolê: