Li Spanyayê xebatên lêgerîn û rizgarkirinê yên ji ber karesata lehiyê didomin. Lehî di 29ê Cotmehê de rabû û "karesata sedsalê" hat binavkirin.
Ji ber karesatê 217 kesan jiyana xwe ji dest dan û niha li herêmê 17 hezar polîs, cendirme, leşker û karmendên parastina sivîl dixebitin.
Di agahiyên ku Wezareta Aboriyê belav kirî de hat destnîşankirin ku di 5 rojên piştî lehiyê de 46 hezar daxwazên tezmînatê ji Konsorsiyuma Tezmînata Sîgorteyê re hatine kirin û bi qasî nîvê wan ji bo wesayîtên xisar dîtine ye.
Li kolan û otorêyên Valensiyayê ku hêj nêzî 50 rê lê girtî ne, ji bo nêzîkî 100 hezar wesayîtên bi xisar lê were derxistin, bi qasî 70 vînç dixebitin.
