Li gor daxuyaniya walîtiya Şirnexê, ev 3 herêm wekî “Herêma Ewlehiya Taybet” hatine destnîşankirin û çûn û hatin qedexe ye.
Walîtiyê li ser malpera xwe ya fermî ev biryar weşandiye û bi van gotinan sedema qedexeyê ragihandiye: “Ji bo ewlehiya netewî, rêk û pakiya civakê, pêşîgirtina li sûcan, parastina maf û azadiyên kesên din, parastina ewlehiya giştî, pêşîgirtina li bûyerên tûndkariyê.
Biryar li gorî Qanûna Herêmên Ewlekariyê û Herêmên Qedexekirî yên Leşkerî ya bi hejmar 2556 û Qanûna 66emîn ya Rêveberiya Bajarî ya bi hejmar 5442an hatiye girtin.
Walîtiyê diyar kiriye ku qedexeya li herêmên “Gîresumunu, Eksîkdag û Çiyayê Meydanê” 8ê Tîrmehê (îro) dest pê dike û heta 16ê Tîrmehê saet 00:00an berdewam dike.
Walîtiyê hişyarî daye xelkê ku ji bo silametiya xwe neçin herêmên qedexekirî.
(TY/AY)
