Li ser sînorê Tayland û Kamboçyayê şer derket: Herî kêm 12 kes mirin

Di serê sibê de li nêzîkî perestgeha Khmerê li ser sînorê Tayland û Kamboçyayê şer derket.

Artêşa Qraliyetê ya Taylandê (RTA) diyar kir ku leşkerên Kamboçyayê pêşî gule reşandine.

Wezareta Tenduristiyê ya Taylandê aşkere ku 9 kes, di nav de personelek leşkerî jî heye, li eyaleta Sisaket, 2 li eyaleta Surinê û yek jî li eyaleta Ubon Ratchathaniyê mirine û 14 kes jî birîndar bûne.

Dibistan veguherandin stargehan

Wezareta Perwerdehiyê ya Taylandê piştî pevçûnên bi Kamboçyayê re ferman da ku dibistanên li deverên sînorî demkî werin girtin.

Dezgeha nûçeyan a Thai Enquirer a li Bangkokê ye ragihand ku piştî ku mûşek avêtin deverên niştecihbûnê, 582 dibistan li Surin, Sisaket û Buriram hatine girtin.

Hin dibistanên li derveyî herêmên xeternak jî wekî stargehên demkî têne bikar anîn.

Berdevkê Wezareta Parastinê ya Taylandê Surasant Kongsiri ragihand ku şer li herî kêm şeş xalên sînorî yên cuda berdewam dike.

Li gorî nûçeya Ajansa Anadoluyê, Kamboçyayê agahî li ser hejmara mirî an birîndaran nedaye.

Tayland û Kamboçya, ku li başûrê rojhilatê Asyayê ne û bi têlekî 817 kîlometreyî ji hev hatine qetandin, ev demeke dirêj e di nav nakokiyeke axê de ne.

(TY/AY)