Li navçeya Alaşehîra Manisayê welatiyan leglegek nexweş û westiyayî dît û piştî agahdarkirinê legleg ji bo dermankirinê girtin bin çavdêriyê.
Hakan Karakuyuyê ku li Kolana Elmadagê esnafe, piştî ku legleg tê ber kargeha wî, dibîne ku rewşa leglegê nebaş e.
Piştre Karakuyu leglegê dibe veterînerê.
Li gorî Ajansa Anadoluyê, veterîner Taner Çelik legleg muayene kir û di encamê de li ser laşe wê tu birîn, derp an şikestin nedît.
Piştî ku serûm li Leglegê xistin û dermankirinê wê/wî bi dawî bû, radestî rayedarên Rêveberiya Giştî ya Parastina Xwezayê û Parkên Neteweyî kirin.
Xwediyê bufeyê Karakuyu diyar kir ku wan xwestiye leglegê bigirin û xwedî bikin û got, "Lêbelê, veterîner got ku navçe ji bo lênêrîna leglegan ne guncaw e. Çêtir e ku ew di xwezayê de bijî."
(TY/AY)
