Veguhestina leşkerî ku li gel îtiraza rêveberiya xwecihî bi fermana Trump hate kirin, rageşî kêm nekir. Li navenda bajêr li nêzî cihekî desteserkirinê, çalakgerên ku alên Meksîkayê hildan û dirûşmên li dijî Daîreya Muhafaza Gumrukê û Koçberiyê (ICE) qîriyan û hêzên ewlekariyê bi hev ketin.
Rêya bejahî ya bi hejmara 101 ji aliyê xwepêşandêran ve ji du aliyan ve li trafîkê hate girtin.
Polîsan ji bo vekirina trafîkê hewl dan çalakgeran belav bikin. Hin xwepêşandêr rûniştin, hinekan jî ji ser pirê cisim avêtin polîsan. Bi helîkopteran anons hate kirin û ji xwepêşandêran hate xwestin, ku herêmê biterikînin. Li derdora avahiya şaredariyê jî bi piştgiriya polîsên siwarî destwerdan hate kirin.
Departmana Polîsan a Los Angelesê ragihand u roja Yekşemê 10 kes hatin desteserkirin, rojek berê jî 29 kes hatin desteserkirin. Sê polîs jî bi sivikî birîndar bûn. Bi taybetî li taxên ku nifûsa xwe bi giranî Latîn e, du roj in bûyerên tundiyê û xwepêşandan dewam dikin.
Bi fermana Serokê DYEyê Donald Trump yekîneya Muhafizên Netewî ku ji 2000 kesî pêktên li dijî xwepêşandanên ji bo koçberan li Los Angelesê hatin bicihkirin.
Muxafizên Neteweyî yên ku Trump şand hîn li kolanan xuya nekirin. Waliyê Kalîforniyayê Gavin Newsom diyar kir ku ev biryar wê rageşiyê hîn zêde bike.
(AY)
